Marketinq Kommunikasiyaları

İnteqrasiya edilmiş marketinq kommunikasiyaları

Dünyada baş verən iqtisadi, sosial, mədəni, elmi və texnoloji inkişaflar marketinqin inkişafına təsir göstərmişdir. İnkişaf edən və dəyişən iqtisadiyyatın təsiri ilə rəqabət şəraiti daha da kəskinləşib və kütləvi informasiya vasitələrinin istehlakçılara çatdırılması çətinləşib. İnteqrasiya olunmuş marketinq də bu kimi çətinliklərin müəssisələri marketinqin effektivliyini artırması üçün yeni axtarışlar etməsi ilə ortaya çıxıb. (Başok Yurdakul, 2006: 55).
İnteqrasiya edilmiş marketinq kommunikasiyaları əvvəlcə bütün kanallar üzrə ardıcıl mesajın göndərilməsinə nail olmaq və xərclərin səmərəliliyini artırmaq üçün marketinq kommunikasiyalarının müxtəlif taktiki elementlərinin əlaqələndirilməsi ilə xərclərin səmərəliliyinin artırılması kimi müəyyən edilmişdir. Taktiki elementlər (a) reklam, (b) ictimaiyyətlə əlaqələr, (c) birbaşa marketinq, (d) satışın təşviqi, (e) onlayn ünsiyyət və (f) sosial mediadır.
İnteqrasiya edilmiş marketinq kommunikasiyası istehlakçıdan başlayır.Düzgün ünsiyyətlə istehlakçıya tək bir mesaj çatdırılması bütün marketinq karmalarının bir mərkəzdən idarə olunmasına bağlıdır (Hataş, 2017: 5).
Rəqabət nəticəsində bir-birindən çox da fərqli olmayan məhsulların bazara gətirilməsi ilə müəssisələr artıq istehlakçılarla daha effektiv ünsiyyət qurmaq üçün müxtəlif kanallardan mesajlar göndərməyə çalışırlar.Müəssisələrin göndərdiyi bu mesajların məqsədi istehlakçılarla uzunmüddətli ünsiyyət qurmaq və brend imici yaratmaqla müştərilərin ağlında brend loyallığı yaratmaqdır. (Odabaşı və Oyman, 2002: 61-62).
İnteqrasiya edilmiş marketinq kommunikasiyalarının şirkətlər tərəfindən istifadə olunmasının önəmli hala gəlməsinin fərqli səbəbləri var (Kocabaş,F, Elden.m,Çelebi,S.İ)

• 
  Müştərilərin məhsul və ya xidmət haqqında daha çox məlumata sahib olma istəyi
  
• 
  Ənənəvi marketinqin maliyətinin artması
  
• 
  Fərqli kommunikasiya kanallarının yaranması ilə ənənəvi medyanın təsir gücünün azalması
  
• 
  Hədəf kütləyə göndərilən mesajların güvənirliliyinin ölçülməsində ortaya çıxan çətinliklər
  

İnteqrasiya edilmiş marketinq kommunikasiyaların vacibliyi marketinq kommunikasiya karması vasitələrinin birinin güclü tərəfinin digərinin zəif tərəfini kompensasiya edəcək şəkildə birləşdirilməsindən irəli gəlir.

1.