Marketinq Kommunikasiyaları

Qulaqdan qulağa marketinq termini

Qulaqdan qulağa marketinq insanların fiziki və psixoloji ehtiyaclarını ödəmək üçün bilik və təcrübələrinə inandıqları yaxın ətraflarındakı insanlarla ünsiyyət quraraq məhsul və ya xidmət haqqında məlumat əldə etməlidirlər.Həmin insanlar daha öncə həmin məhsul və xidməti istifadə edən və məlumata sahib olan istehlakçılardır.İstehlakçı mövzu haqqında fikirlərini digər istehlakçıya çatdırarkən ünsiyyət kanallarından istifadə edir və bu ünsiyyət qulaqdan qulağa ünsiyyət adlanır. Bununla da qulaqdan qulağa marketinq fəaliyyətləri baş verir (Aydın, 2009: 1).
İstehlakçılar ətraflarında olan insanların düşüncələrinə məhsul haqqında olan reklamlardan daha çox güvənirlər. Çünki həmin şəxslər məhsulu məcburi şəkildə satmaq istəyən satıcı və ya həyatımızın hər anında qarşımıza çıxan yorucu reklamlar deyil.Onlar məhsulu istifadə etmiş real istehlakçılardır. (Odabaşı və Oyman, 2002: 28).
İndiki zamanda insanlar çox sayda məlumat axınına məruz qalırlar. Bu qədər məlumat çoxluğunda insanlar lazımlı və güvənilir məlumat tapmaqda çətinlik çəkirlər və bunun üçün çox vaxt sərf etməli olurlar.Bu situasiyada insanlar qulaqdan qulağa marketinqdən istifadə edərən vaxtlarına qənaət etməyə çalışırlar.(Silverman, 2006: 26).
Qulaqdan qulağa marketinq istehlakçıların öz aralarında fikir sahibi olduqları məhsul və ya xidmət haqqında düzgün və güvənilir fikir mübadiləsini təmin etməklə baş verir. Bu, istehlakçılara marketinq deyil, istehlakçılarla marketinq konsepsiyasının yaradılmasıdır (Güzelay, 2007:14).Word of Mouth Marketing Assocation (WOMMA) isə qulaqdan qulağa marketinq terminini bu şəkildə açıqlayır;Qulaqdan qulağa ünsiyyət, istehlakçıların bir məhsul və ya xidmət haqqında məlumatları ötürməsidirsə, qulaqdan qulağa marketinq, məlumat mübadiləsi üçün insanlara məhsul və ya xidmətin qiymət və keyfiyyəti haqqında bir səbəb göstərərək, markanın tanınmasına və gündəmdə qalmasını təmin edir (Taylor, 2005:12). Qulaqdan qulağa marketinq, bir məhsul və ya xidmət satın alarkən insanlar üçün önəmli məlumat mənbəyidir. Bu fəaliyyətlər, satın almadan əvvəl “giriş wom” , satın alma sonrasında isə “çıxış wom” olaraq adlandırılır (Buttle,1998:243).
Qulaqdan qulağa marketinqin gücü uzun illər nəzərə çarpmamışdır, lakin digər marketinq kommunikasiyaları ilə müqayisə edildiyi zaman daha effektiv üsul olduğu anlaşılmışdır. Çünki istehlakçılar bir məhsulu və ya xidməti satın almadan öncə öz yaxın ətrafındakı insanların fikirlərini öyrənməyə çalışırlar. Həmin şəxslər onlara satış etmək istəyən satıcı deyil də daha dürüst məlumat verə biləcək insanlardır.Həmçinin yaxın ətrafdan alınan fikirlər satın alma prosesinin sürətinə də təsir edir. (Toros, 2009; Ulusoy ,S 2018).
Qulaqdan qulağa marketinq insanların bir-birlərinə məhsul haqqqında rəsmi olmayan məlumat ötürməkdir və iki özəlliyi vardır(Liu, 2006: 74) ;
1‐ İnsanlar tərəfindən daha tez qəbul edilən və çox güvənilirdir,
2‐ İnternet texnologiyalarının inkişafı nəticəsində məlumatlar tez zamanda daha çox kütləyə ötürülür.

1.