Marketinq Kommunikasiyaları

1. Marketinq Kommunikasiyaları

Marketinq kommunikasiyaları şirkətlərin satış idarəçiliyi,reklamlar,ictimaiyyətlə əlaqələr və satış təşviqləri fəaliyyətlərindən istifadə edərək hədəf kütlə ilə ünsiyyət qurma üsuludur. (Koç, 2015: 175).
Marketinq kommunikasiyaları şirkət və istehlakçı arasında olan bir dialoqdur.Çünki müəssisə marketinq kommunikasiyaları vasitəsilə istehlakçısı ilə əlaqə qurur və bununla da qiymət, məhsul, paylama sahələrində rəqabət üstünlüyü əldə edir.Marketinq kommunikasiyası dedikdə, şirkətlərin istehlakçıların məhsulu fərq etmələrini və onların satın alma qərarlarına təsir etmələrini təmin etmək üçün həyata keçirilən fəaliyyətlər izah edilməyə çalışılır. (Odabaşı və Oyman, 2014: 35).

Günümüzdə rəqabətin sürətlə artması nəticəsində müəssisələr müştəri mərkəzli qərarları marketinq kommunikasiyaları vasitəsilə edirlər:
Marketinq fəaliyyətlərində kommunikasiyanın vacibliyinin başlıca 4 səbəbi vardır (Erdem (2006: 6) )

1. 
   Artan rəqabət
   
2. 
   Ənənəvi marketinq fəaqliyyətlərinin maliyyətinin artması
   
3. 
   İstehlakçıların gözləntilərinin artması
   
4. 
   Sürətlə inkişaf edən texnologiya
   

Marketinq kommunikasiyası, əslində, məhsulların alınması prosesində hədəf kütlənin davranışında dəyişikliklərə səbəb olmaq və ya brendə qarşı loyallığı artırmağı hədəfləyir. Marketoloqlar marketinq kommunikasiyaları ilə seçdikləri hədəf kütləni təklif etdikləri məhsul və ya xidmətlərin rəqiblərinkindən əhəmiyyətli dərəcədə üstünlüyə sahib olduğuna inandırmağa çalışırlar. (Lamb et al., 2003:315).
Duncan (2005:15) bildirir ki, marketinq kommunikasiyası müştərilər üçün bir dəyər yaratmaqdır, çünki müştərilər məhsulun xüsusiyyətləri və faydaları, onu hardan əldə edə biləcəyi, onun tanınmış bir məhsul olub-olmaması kimi xüsusiyyətlər haqqında məlumat sahibi olmalıdır. Başqa sözlə, marketinq kommunikasiyası hədəf auditoriyanın ağlında rəqiblərinkindən üstün olan mühüm xüsusiyyətlər haqqqında fikir yaratmalıdır
Son on ildə marketinq mühitində baş verən mühüm dəyişikliklər müəssisələri bu mühitdə rəqabət apara bilmək üçün müəyyən strategiyalar yaratmağa məcbur edir. 21-ci əsrin marketinq kommunikasiyası rəhbəri unutmamalıdır ki, çoxlu bazarlar, çoxsaylı müştərilər, çoxsaylı kanallar və çoxsaylı media mövcuddur.Bunun üçün də hazırda məqsəd müştərilərin əldə edilməsinə deyil, saxlanmasına yönəlib və bununla yanaşı, informasiya texnologiyalarının inkişafı, istehlakçıların səlahiyyətlərinin artırılması, artan reklam səliqəsizliyi, kanalın gücünün dəyişməsi və daha çox hesabatlılıq istəyi – bunların hamısı inteqrasiya olunmuş marketinq kommunikasiylarına doğru aparan hərəkətverici qüvvələrdir. (Kitchen, Schultz, Kim, Han & Li, 2004:1417)