Giuliananing oyisi. Yana bir ikkinchi darajali obrazlardan biri - bu Giuliananing oyisi. U Pieve di Monteseccoda yashar edi. Giuliananing oyisi shim tikuvchisi edi. U bir kichkinagina, qorong’u, zax, mebellar bilan to’la, ularni hech qayerga siljitib bo’lmaydigan uychada yashar edi. Ularning hech narsasi yo’q edi. Ustiga-ustak eri bilan ajrashgan, eri esa boshqa xotin bilan yashar edi. Giuliananing onasi har kuni eridan pul olish uchun uning oldiga, do’koniga borar edi. Uni eri xotiniga berishga puli yo’q sababli unga har safar shaker, qahva va shu kabi narsalardan berib yuborar, reining oldiga har safar borganida u bilan janjallashib, jaxli chiqib qo’lidagi soyabon hamda ichi qahva bilan bo’la sumkachasi bilan uyiga qaytib kelar edi. U har kuni bir xil bo’tqa-yu aralashmalar tayyorlardi. Va ularni kastryul idishiga joylab derazadagi tokchaga bir qator qilib taxlab chiqardi. Bundan tashqari uni jurnallarning rasmini qirqib ularni yig’ish odati bor edi. Qirqilgan rasmlar hamma joylarda sochilib yotardi, kravat ostida, stol ostida, devorlarga yopishtirilgan holatda, xullas, uyning hamma yerida to’zg’ib yotardi.
Elena. Elena Italiyaning Rim shahrida yashaydi. U qog’oz do’konida sotuvchi bo’lib ishlaydi. Giuliana Rimga qochib kelgandan so’ng Elena u bilan tanishib qolib, uning eng yaqin dugonasiga aylanadi. Elena bilan Giuliana yaqin dugona tutinishganlaridan keyin Elena dugonasiga to’g’ri yo’l ko’rsata boshlaydi, undan o’z mehrini ayamaydi, og’ir kunlarida g’amxo’rlik qiladi. Lekin shunday bo’lishiga qaramasdan Elena pessimistlar, ya’ni hamma narsaning yomon tarafini o’ylaydiga shaxslar turidan ekanligi asarda yorqin tasvirlab berilgan.
Pietroning oyisi. Pietroning oyisi juda ham qattiqqo’l, hamma narsani bir ko’rishdan xotirasida saqlab qoladigan, uncha-muncha narsani yoqtirmaydigan ayol obrazi sifatida gavdalanadi. Pietro uni qarigina, bir bechora ayol ekanligini; yoshligida chiroyli, jozibali ayol bo’lganligini, oyisi yosh bo’lgan paytlarda bambardimon, urushlar natijasida uyi qulab ketganligini, o’sha voqealardan so’ng pulsiz, nochor ahvolga tushib qolganligini, asab tizimining ishdan chiqqanligini aytib o’tadi. O’g’lining qaysi qizga uylanishi unga unchalik qiziq emas edi, chunki kimni tanlamasin, oyisiga yoqmas edi. Giulianani rasmini ko’rib, bo’ladi deb qo’yadi, ya’ni u qiz haqida oxirigacha so’rab surishtirib o’tirmaydi. Unga hatto xizmatkor Vittoria ham yoqmagan. Pietroning oyisi ham xuddi Elena kabi pessimist ayol. Pietro Giuliana bilan bo’lgan suhbatlarning birida uning oyisi hamma ayollarga o’xshagan ayol ekanligini aytib o’tadi, balki bu so’zlar onasiga bo’lgan cheksiz mehri sababli aytilgandir, chunki oyisini asarda ishtirok etgan roli Pietro aytganlarining aksini ko’rsatadi.
Manolo. Manolo asarda ikkinchi darajali personaj sifatida qatnashgan. U qora uzun mo’ylovli, qorachadan kelgan, yuzining rangi o’chgan, qora g’amgin ko’zli, hech qachon kulmaydigan bir yigit. U har doim qora chiziq-chiziqli nuqtalari bor sviter kiyib yurardi. Manolo Giuliana ishga kirgan disk do’koniga disk eshitish uchun kelardi. O’sha yerda Giuliana bilan tanishib qoladi. Bir kichkina uyi bo’lib uyida mushuk boqardi. Manolo juda ham tartibli bo’ladi, hatto u ayollarga o’xshab dazmol qilishni, uyini tozalashni, kiyimlarini, idish-tovoqlarni yuvishni ham bilardi. Manolo bir marta turmush qurib, xotini bilan ajrashib ketganligi haqida ham asarda keltirib o’tilgan. N.Ginzburgning “Ti ho sposato per allegria” asarida makon vazamontalqini Asarda quyidagi makon va zamon tizimlari keltirib o’tilgan: “Pietroning uyi, ko’prik, yanvar oyi, Grotte del Piccione, janoza, Fara Sabina, Romagna “Pieve di Montesecco”, Giulianani dadasining dorilar do’koni, Giuliananing oyisi yashaydigan uy, Roma, Campo dei Fiori, qog’oz do’koni, disk do’koni, Manoloning uyi, America, festa, via Margrutta, la piazza Bologna, Rossignanodagi Leopardi ko’chasi, Policlinico, caffè Aragno, Quartiere Trionfale.
Asar Pietroning uyidagi shlyapa mojarosi bilan Pietroning uyida boshlanadi. Pietroning uyi anchagina katta, shinam. Pietro bilan Giuliananing tanishganlariga bir oy bo’lgan va ularning turmush qurishganlariga esa endigina bir hafta bo’lgan. Biz bunga quyidagi epizodni o’qib guvohi bo’lamiz: - Pietro: “Noi è solo un mese che ci conosciamo” – Giuliana: “Non dire così, come se io non fossi tua moglie” –Pietro: “Sei mia moglie da una settimana” [1141]. Giuliana bilan Pietroning tanishuvi taxminan yanvar oylariga to’g’ri keladi. Asardagi voqealar rivoji boshidan oxirigacha Pietroning uyida personajlar o’rtasidagi suhbat bilan olib boriladi. Bundan tashqari voqealar rivoji boshqa joylarda boshqa zamonlarda ham sodir bo’ladi. Bunga misol qilib Giuliananing Vittoriaga o’zining kechirgan hayoti haqida gapirib bergan so’zlaridan bilsak bo’ladi. Giuliana bir paytlar, Pietro bilan tanishganidan bir necha kun ilgari o’z hayotidan to’yib, boshqa yashashni xohlamay o’zini ko’prik ustidan pastga uloqtirmoqchi bo’ladi. Shunda uni Lamberto Genova ismli bir kishi uni bu ishni qilishdan qaytaradi. Bir necha kundan keyin Giulianani tushlikka Grotte del Piccione nomli qahvaxonaga taklif qiladi. Bu voqealar Giuliananing aytib bergan hikoyalaridagi “fleshback” makonlardir. Hikoyalar, xotiralarda eslatib o’tilgan makon va zamonlar misoliga Manoloning uyi, Giuliananing dadasi ishlaydigan dorilar do’konini, Giuliana ishlagan qog’oz, disklar do’konlarini kiritishimiz mumkin. Lekin asosiy real, hozirda sodir bo’layotgan zamon va makon asosan Pietroning uyida bo’lib o’tadi. Har bir makon va zamonga ta’rif berib ketadigan bo’lsak ular quyidagicha tasvirlanadi: Fara Sabina: Vittoria oyisi bilan yashaydigan uy joylashgan qishloqchaning nomi. Romanga (Pieve di Montesecco): Giuliananing oyisi, uning o’zi yashagan viloyat nomi. Giuliananing yoshligi o’sha yerda o’tgan, ya’ni 17 yoshgacha, uyidan qochib ketguniga qarar. Giuliananing oyisa hali ham o’sha yerda, bir kichkinagina uyda yashaydi. Uyidagi uy jihozlari ko’pligidan, uyining yo’laklari, xonalari kichkina ekanligidan yurishga joy yo’q. Giulianani dadasining dorilar do’koni: Giuliananing oyisi bilan dadasi ajrashgan bo’lib, ular alohida yashashadi. Uning dadasi ikkinchi oilasi va birinchi oilasini boqish uchun o’sha yerda ishlaydi. Giuliananing oyisi eridan pul olish uchun boradigan bitta- yu bitta joyi ham o’sha yer, erini faqat o’sha yerdan izlab topardi. Roma ( Campo dei Fiori): Giuliana uyidan qochib ketganidan so’ng to’g’ri Romagadagi Campo dei Fioriga, dugonasining oldiga unikida yashash uchun boradi. Qog’oz do’koni: Giuliana aktrisa yoki ballerina bo’lish orzusini amalga oshirolmaydi, ancha kunlar o’tib ketadi va Giuliananing yashashi, kun kechirishi uchun puli qolmaydi. Shuning uchun ham u qog’oz do’koniga sotuvchi bo’lib ishga kiradi. Ammo u yerdan kunlarning birida siyoh to’la idishni mijozlardan birining kiyimiga to’kib yuborgani uchun zudlik bilan ishdan bo’shatiladi. Disk do’koni: Giuliana qog’oz do’konidan ishdan bo’shatilganidan so’ng, bir necha kun ishsiz yuradi, ammo kunlar o’tar-o’tmas uni bir Paoluccio ismli odam disk do’koniga ishga taklif qiladi va Giuliana u yerda ancha vaqt ishlab qoladi. Manoloning uyi: Giuliana disk do’konida ishlaydigan vaqtlari u yerga bir qoraroqdan kelgan yigit har kuni disk eshitishga kelardi. Giuliana unga oshiq bo’lib qoladi va kunlar o’tgandan keyin u yigit Giulianani o’z uyiga taklif qiladi. Uning uyi toza, sinam bo’ladi, chunki Manolo tozalikka e’tibor qaratadiganlardan edi. Uyida mushuk boqar edi. Giuliana u yerda Ancha vaqt yashab qoladi, hatto Manolo uni tashlab ketib qolgan taqdirda ham. America: Asarda America ham eslatib o’tiladi, ya’ni Giuliana Manoloni uyida ancha yashagandan keyin kunlarning birida Manoloning sobiq xotini Topazia bilan tanishib qoladi. Ular qalin dugona tutinishadi va bir kuni Topazia o’zining dam olish kunida Amerikaga jo’nab ketmoqchi ekanligini Giulianaga aytib o’tadi va jo’nab ketadi. Festa (bazm): Topazia Amerikaga jo’nab ketganligi sababli Giuliana dugonasi Elenaning oldiga qaytib ketadi. Kunlarning birida Giuliana Elenaning do’stlaridan birini,bir suratkashni, uchratib qoladi va o’sha suratkash Giulianani bazm kechasiga taklif qiladi. Margrutta ko’chasi: Giuliana taklif etilgan bazm bo’ladigan uy joylashgan ko’chalardan birining nomi. Aynan o’sha yerdagi bazmda Giuliana bilan Pietro uchrashib qolishadi. La piazza Bologna: Uy xizmatkori Vittoria eng zo’r tovuq go’shti sotiladigan ko’cha o’sha yer ekanligini aytib o’tadi va u yerdan tovuq go’shti olib kelmoqchi bo’ladi. Rossignanodagi Leopardi ko’chasi: Pietroning oyisi bilan dadasi bir kuni Rossignano degan qishloqchaga dam olib kelish uchun borishadi uva Leopardi ko’chasida chiroyli gullab turgan ginestra (sariq gul)ni ko’rib uning dadasi o’sha gulga maftun bo’lib qoladi va shu sababli ham uning dadasi qizining ismini shu ko’chadagi o’sgan gulga qiyoslab Ginestra deb qo’yadi. Policlinico: Vittoria bundan ikki yil oldin oyisining kasal bo’lganligi sababli uni shifoxonaga olib borishga majbur bo’ladi. U yerda shifokorlar uning oyisini davolaydilar. Operatsiyadan biro y o’tgandan keyin uning oyisi sog’ayib ketadi. Vittoria hozirgacha o’sha yerdagi oyisini davolagan shifokorlarni yo’qlab turadi va tashakkur bildirib keladi.caffè Aragno: Bu kafeda Pietroning oyisi birinchi marta Giulianani uchratgani haqida aytib o’tadi. O’sha kafeda Giuliana bilan Topazianing muzqaymoq olayotganini ko’rgani haqida Giulianaga aytadi va Giuliana buni tasdiqlaydi. Quartiere Trionfale: Asardagi eng oxirgi eslatib o’tilgan zoy mana shu yer bo’lib, asarning yakunlovchi nuqtasi hisoblanadi. Ya’ni, Pietro Giulianadan oxirgi marta shlyapam qani deb so’raydi, chunki Pietro Trionfale mahallasidagi bir mijozining oldiga borishi kerak edi. Giuliana uning shlyapasini topib bermaydi, Pietro shlyapasiz chiqib ketaman deb uyidan chiqib ketadi. Xullas shunday qilib komediya janrida yozilgan bu dialogik asar mana shu nuqtada tugaydi.
