Mavzu: elektron o‘quv-metodik ko‘rgazmali materiallar, elektron darsliklar, elektron o‘quv-metodik majmualar tayanch tushunchalar

Texnik talablar. O‘quv fanning tayanch ko‘rsatkichi o‘quv rejasi va
dasturlari asosida ushbu fanga ajratilgan auditoriya soatlari hisoblanadi. Agar nazarda tutilgan soatlarni Х bilan belgilasak, qolgan barcha normativ ko‘rsatkichlar shu soatlarga bog‘liq bo‘ladi. Dastlabki normativlar sifatida quyidagilar olinadi: bir ma'ruza soati standart to‘rt betdan kam bo‘lmagan matndan iborat bo‘ladi. Qolgan barcha me'yorlar tayanch ko‘rsatkichlar vazifasini o‘tashga xizmat qiladi:

1. 
   asosiy matnning hajmi (sahifalarda) 4Х dan oshmasligi lozim, Х - tayanch ko‘rsatkichdir (masalan, nazariy ta'limning hajmi 100 soat, demak 4 х 100 = 400 bet - asosiy matnning yo‘l qo‘yilishi mumkin bo‘lgan maksimal hajmi). Ma'ruza materiallarining asosiy matni o‘z tarkibiga fan yuzasidan mavjud barcha boblar, ilovalar, adabiyotlar ro‘yxati hamda atamalar lug‘atini qamrab oladi;
   

b) trening hamda savollar miqdori 2Х dan oshmasligi lozim;
v) nazorat testlari hajmi (savol va topshiriqlar) 0,5Х chegarasidan chiqmasligi lozim;
g) kurs ishlari mavzulari miqdori ham 0,5Х dan oshmasligiga erishish zarur;
d) yakuniy nazorat savollari hajmi 0,5Х miqdorida belgilanadi.
Barcha nazariy materiallar (kurs/ma’ruzalar matni) bo‘lim, paragraf va mavzulardan tarkib topadi. Har bir bo‘lim, mavzu va paragrafni o‘qituvchi alohida fayllarga joylashtiradi. EO‘MM matni alohida fayllarga nomlarini yozgan holda tegishli mazmun va tarkib asosida joylashtiriladi.
Matnli fayllar mazmun-mundarijasiga ko‘ra lotin harflari yoki raqamlar asosida raqamlanadi. Masalan: kirish, mavzu 1.1 (birinchi modulning birinchi mavzusi), mavzu 2.1 (ikkinchi modulning birinchi mavzusi), xulosa va boshqalar. Mazkur tavsiyanomadan ko‘zda tutilgan asosiy maqsad katta hajmdagi matnlardan zarur ma'lumotlarni topish bilan bog‘liq muammolarni hal qilishdan iborat.
SHuningdek, alohida fayllarda muallif-o‘qituvchi mashg‘ulotlar uchun zarur bo‘lgan turli jadvallar, adabiyotlar, glossariylar, mualliflar to‘g‘risidagi axborotlarni joylashtirish imkoniga ega bo‘ladi.
Fayllar MS Word, Power Point va boshqa dasturlardan foydalangan holda amalga oshiriladi.