Mavzu: investitsiyalarni moliyalashtirishning lizing mexanizmi

Tayanch sO`z va iboralar:

Lizing, moliyaviy lizing, operativ lizing, moliyaviy lizing, mulkiy munosabatlar, renting, xayring lizing ob‘ekti, lizing sub‘ekti, lizing oluvchi, lizing beruvchi. lizing to`lovlari summasi, milliy lizing, xalqaro lizing.

O`zini – O`zi tekshirish uchun savollar:

1. 
   Lizing deganda nimani tushunasiz?
   
2. 
   Moliyaviy lizingni o`ziga xos xususiyatlari
   
3. 
   Operativ lizingdan qanday holatlarda foydalaniladi?
   
4. 
   Xalqaro amaliyotda lizingni qanday turlari mavjud?
   
5. 
   ―Lizing to`grisida‖gi qonun qachon qabul qilingan?
   
6. 
   Lizing to`lovlarini amalga oshirish tartibi
   
7. 
   Xalqaro moliyaviy lizingni iqtisodiyotni modernizatsiyalashdagi o`rni.
   

MAVZU:INVESTITSIYALARNI LOYIHAVIY MOLIYALASHTIRISH

1.	Investitsiyalarni loyihaviy moliyalashtirishning mazmuni va mohiyati
2.	Loyihaviy moliyalashtirishning asosiy ishtirokchilari va ularning funksiyalari, loyihaviy moliyalashtirish turlari
3.	Investitsiyalarni loyihaviy moliyalashtirishni tashkil etish
4.	Investitsiya loyihalarini sindikatli kreditlash xususiyatlari

1. Investitsiyalarni loyihaviy moliyalashtirishning mazmuni va mohiyati
Loyihaviy moliyalashtirish mazmunini o`rganishda ba‘zi iqtisodchi olimlarning fikr-mulohazalarini o`rganish maqsadga muvofiqdir. Rossiyalik iqtisodchi olim I.Mazurning ―Upravleniye proyektami‖ kitobida: ―loyihaviy moliyalashtirish – bu investitsion loyihalarni amalga oshirish maqsadida moliyaviy resurslarni kredit ko`rinishida taqdim etishdir‖, deb ta‘rif berilgan. Bu yerda, kredit qarz oluvchiga nisbatan hech qanday regressiz, cheklangan yoki to`liq regressli bo`lishi mumkin, deb yozilgan.
D.Morozovning fikricha esa, ―loyihaviy moliyalashtirish – bu loyihani turli shakllarda kreditlashdir, bunda kreditlarning qaytarilishi ta‘minoti loyihadan keladigan daromadlardir‖, degan fikr ilgari surilgan. O`zbekistonlik iqtisodchi olim D.G`ozibekovning mulohazalariga ko`ra, ―loyihaviy moliyalashtirish o`zining murakkab moliyaviy munosabatlari bilan (sindikatlashtirilgan kredit yoki qarz berishda ko`p tomonlarning qatnashishi) kreditorga moddiy kafolatlar berish, loyihalar evaziga ishlab chiqarilgan mahsulotlarni harid qilish bo`yicha uzoq muddatli shartnomalar asosida moliyalashtirishdir‖. Haqiqatdan ham investitsiyalarni loyihaviy moliyalashtirish moliyalashtirishning eng taraqqiy etgan zamonaviy shakllaridan biri bo`lib hisoblanadi. Shu bois ham u boy mazmunga ega. Aytish joizki, loyihaviy moliyalashtirish – loyiha bo`yicha asosiy vositalarni sotib olishni, tashkil etishni yoki qurilishni moliyalashtirish bo`lib, unda kreditor asosan quyidagilarga e‘tibor beradi:

• 
  kreditni qaytarish manbasi sifatida, loyihani tatbiq etish natijasi bo`yicha olinadigan sof pul oqimiga (mablag`larning qaytish darajasiga);
  
• 
  loyihani moliyalashtirish uchun berilgan kreditning xavfsiz qaytishini ta‘minlaydigan manbasiga, ya‘ni mijozning qobiliyatiga garov, kafolat va boshqa ta‘minotlarga‖. Loyihaviy moliyalashtirish mazmuni O`zbekiston Respublikasi Tashqi iqtisodiy faoliyat Milliy bankining yo`riqnomalarida quyidagicha izohlanadi:
  

―loyihaviy moliyalashtirish – bu bank tomonidan kreditni berish, baholash va monitoringini olib borish jarayoni bo`lib, bunda kredit ishlab chiqarish va xizmat ko`rsatish ob‘ektlarining normal ishlashi uchun qurilish, qayta ta‘mirlash yoki texnik qayta qurollantirish, shu jumladan, asbob-uskunani sotib olish yoki asosiy fondlarni tashkil etish hamda ishchi kapitalni sotib olishga yo`naltiriladi‖.
Loyihani amalga oshirish orqali ko`rilgan qo`shimcha daromad kreditni qaytarishning asosiy manbai bo`lib hisoblanadi. Agarda loyihani amalga oshirish orqali qo`shimcha daromad olinmasa yoki loyiha bo`yicha ishlab chiqarishni modernizatsiyalash orqali iqtisodga erishilmasa, bunday moliyalashtirishni loyihaviy moliyalashtirish deb bo`lmadi, u biznes-reja asosida amalga oshiriladigan moliyalashtirish hisoblanadi.