Maxmudov n. M., Hakimov h. A. Makroiqtisodiy tahlil
Yüklə 2,65 Mb. Pdf görüntüsü
|
|
Qisqасhа хulоsаlаr Makroiqtisodiy tahlilning asosiy sohasi – mamlakatda ishlab chiqarishning umumiy hajmi, inflatsiya sur’atlari, ishsizlik darajasi, to‘lov balansi saldosi, ayirboshlash kursi kabi makroiqtisodiy ko‘rsatkichlar. Makroiqtisodiy tahlilning maqsadi – umumiy ko‘rsatkichlar ma’lumotlarining o‘zgarishini izohlash va davlat organlariga hamda jamoat tashkilotlariga iqtisodiy vazifalarni hal etishda va iqtisodiy vaziyatdagi kutilmagan o‘zgarishlarga munosabat bildirishda yo‘l ko‘rsatishdan iborat. Quyida eng muhim makroiqtisodiy ko‘rsatkichlarni va ular o‘rtasidagi o‘zaro bog‘liqlikning asosiy turlarini, shuningdek, bozor va o‘tish iqtisodiyotiga ega bo‘lgan mamlakatlarda inflatsiya, bandlik, ishsizlik, real ish haqi darajasini o‘lchash va tahlil qilish usullarini ko‘rib chiqamiz. Ushbular esa ayni paytda axborot ob’ektlari hisoblanadi. Nazorat va muhokama uchun savollar 1. Oʻzbekiston Respublikasi Prezidentining “2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturi toʻgʻrisida”gi 2019 yil 17 yanvardagi PF- 5635 sonli Farmonining asosiy mazmuni nimalardan iborat? 2. Makroiqtisodiy tahlilning predmeti nimadan iborat? 3. Makroiqtisodiy tahlilning pozitiv va normativ turlariga izoh bering. 4. Makroiqtisodiy tahlilda qanday axborot texnologiyalaridan foydalaniladi va ularning oʻzaro farqlari nimalardan iborat? |