Məşğələnin keçirildiyi yer

Azər­­­baycan suveren dövlət kimi mühafizə sahəsindəki bütün problemlərini özü həll etməlidir. 1988-ci ildən Azərbaycan müharibə şəraitində yaşayır.

Buna görə də biz mühafizə doktirinasını hazırlayarkən iki mühüm cəhəti əsas götürməliyik.

Birincisi, yadda saxlamalıyıq: nə qədər ki, nüvə cəbbə­xa­na­la­rı mövcuddur, onun bu və ya digər ölkə üçün təhlükəsi nəzərə alın­malı və mühafizə proqramında bu amil əsas götürülməlidir.

İkincisi, ölkəmiz nüvə silahına malik olan, ya da ərazisində nü­və döyüş sursatı ehtiyatları saxlanan dövlətlərlə həmsərhəddir.
Buna görə də mülki müdafiə (MM) tədbirləri planlaşdırılarkən və həyata keçirilərkən əhalinin, eləcə də təsərrüfat obyektlərinin kütləvi qırğın silahlarından (KQS) mühafizəsinə diqqəti azalt­maq olmaz. Mühafizə sistemi qarşısında texnogen və təbii qə­za­lardan mühafizə problemi durmaqdadır. Hələlik insanın ram edə bilmədiyi təbii qüvvələr böyük fəlakətlər törədir, planetimi­zin əhalisinə çox böyük ziyan vurur. Son onilliklərin nəticəsi gös­­tərir ki, bütün dünyada qəzaların intensivliyi son dərəcə artıb və indi onun bəşəriyyətə vurduğu maddi zərər, törətdiyi insan tə­ləfatı dünya müharibələri nəticələrinin miqyası ilə müqayisə edi­lir.

Əgər 1-ci dünya müharibəsi zamanı dinc əhali arasında tələfat cəbhədəki tələfatdan 20 dəfə az, 2-ci dünya mühari­bə­sində təxminən cəbhədəki təlafatla eyni olmuşdusa, adi silah­lar işlədilən lokal müharibələrdə dinc əhalinin tələfatı cəbhə­lər­dəki tələfatdan 13 dəfə artıq olmuşdur.
Müstəqil Azərbaycan Respublikası əhalinin təhlükəsiz­li­yi­­­nin təmin olunması, o cümlədən də təbii və texnogen xarak­ter­li fövqəladə hallardan mühafizəsi xüsusi əhəmiyyət kəsb edir. Dünyada baş vermiş qəzalar təbii fəlakətlər zamanı əhali xə­sa­rətə uğrayır. Hər bir şəxs qəza təbii fəlakət zamanı özünü ailə­sini müdafiə etməyi bacarmalıdır.

Mahiyyətcə MM xalqı əmin-amanlıq dövründə güclü qə­zaların, müxtəlif təbii fəlakətlərin nəticələrindən, silahlı mü­naqişələr şəraitində isə müasir qırğın vasitələrindən müha­fizə etmək məqsədi daşıyir.

Həmçinin dünyada silahlı münaqişə olmayacağı, müasir qır­ğın vasitələrindən istifadə olunmayacağı barədə kim zəmanət ve­­rə bilər? Nə qədər ki, belə təhlükə qalır, həm ümumdövlət mü­­dafiə tədbirlərinə həm də əhalinin MM hazırlığına ehtiyac qa­lacaqdır. Bu da obyektiv bir tələbdir. Hər birimiz sağlamlı­ğı­mızı və həyatımızı qorumaq naminə çox şeyi bilməli və bacar­ma­lıyıq.