quruq issiqda sterillash. quruq issiq bilan sterilizatsiya qilish uchun quritish shkafidan foydalaniladi, bu shkafda narsalar 160-1700 haroratda ikki soat saqlanadi. Asosan shisha idishlar (Petri likobchalar, pipetkalar) qog’ozga o’rab quruq issiq bilan sterillanadi, shunday qilinsa ularning sirtiga havodan mikroblar yuqmaydi. Barcha mikroblarni quruq issiq bilan o’ldirish uchun harorat nam sterilizatsiyaga qaraganda yuqoriroq bo’lishi va uzoqroq saqlanishi kerak. Sababi, quruq issiq bilan sterillanganda mikrob hujayralaridagi suv asta-sekin bug’lanib chiqadi. Mikrob hujayrasida suv qancha kam bo’lsa, uni nobud qilish uchun shuncha yuqori temperatura kerak bo’ladi.
Filtrlab sterillash. Filtrlab sterillash usuli asosan qizdirib yoki zahar vositasida sterillash mumkin bo’lmagan suyuqliklar uchun qo’llaniladi. Filtrlab sterillash uchun g’ovak chinni, asbest filtrlar yoki kollodiy filtrlar ishlatiladi. Bu filtrlarning teshigi juda mayda bo’lgani uchun bakteriya hujayralarini o’tkazmaydi. Ammo bu filtrlar ultramikroblarni (virus, bakteriofag) o’tkazib yuboradi.
Kimyoviy sterillash. Kimyoviy sterillash asosan zaharli kimyoviy moddalar bilan mikroorganizmlarni yo’q qilishdir. qizdirib sterillash mumkin bo’lmagan narsalar (binolarda, urug’lar dorilanganda) dezinfektsiya qilinadi, ya’ni dorilanadi. Dezinfektsiya qilish uchun kimyoviy moddalar sulema 1:1000, 1:10000 eritmasi, karbol kislota 2-5%, ohak 4-10% ishlatiladi.
qishloq xo’jaligiga zarar keltiradigan hasharotlarga qarshi kurash dezinsektsiya deyiladi. qishloq xo’jaligiga zarar etkazadigan kemiruvchilarga qarshi kurash deratizatsiya deyiladi.
Kerakli jihozlar va asboblar: Avtoklav. quritish shkafi. Kox apparati. Kolbalar. Suv hammomi. Elektr plita. Voronkalar. Probirkalar va Petri likopchalari. Paster naychasi. Mikrobiologik sirtmoq. Idishlarni o’rash uchun qog’oz. Paxta. Oziq muhitlar. Shprits va ignalar.
