ALSning «O» yoki «OCh» signal ko‘rsatkichi yonib turgan taqdirda, poyezd to‘xtaganidan keyin ogohlik pedali (tugmasi) bosilgan holda ALS ruxsat beruvchi signal ko‘rsatkichi paydo bo‘lgunga qadar 20 km/soatgacha tezliqda harakat qilishga ruxsat etiladi. ALSning «OCh» signal ko‘rsatkichi yongan taqdirda mashinist poyezd nozimiga «Rels zanjiri chegarasi» signal belgisining raqamini ma’lum qilishi lozim.
Avtomat tarzda ishlaydigan svetoforlarning signal chiroqlarini yoqish yoki o‘chirish poyezd nozimi tomonidan, shuningdek poyezd nozimining buyrug‘iga binoan markazlashtirish shahobchasining navbatchilari tomonidan amalga oshiriladi.
Avtoblokirovka svetoforlarining signal chiroqlari ulangan taqdirda poyezdlar harakati ALS signal ko‘rsatkichlari va svetoforlarning ko‘rsatkichlariga ko‘ra amalga oshiriladi.
Poyezdning ALS-ARS qurilmalari ishlamay qolgan taqdirda yo‘lovchilar eng yaqin bekatda poyezddan tushirib qoldirilshi lozim; poyezdning harakat tartibi va harakat xavfsizligini ta’minlash choralari Poyezdlar harakat va manyor ishlariga doir Yo‘riqnoma bilan belgilanadi.
Avtomat tarzda ishlaydigan svetoforning taqiqlovchi ko‘rsatkichi yonib turgan taqdirda (qizil chiroq, o‘chiq chiroqlar, tushunarsiz ko‘rsatkich), poyezd svetofor oldida to‘xtaganidan keyin, ALS-ARS qurilmalari ishlaydigan poyezd ogohlik pedali (tugmasi) bosilgan holda ALS ruxsat beruvchi signal ko‘rsatkichi paydo bo‘lgunga qadar 20 km/soatgacha tezlikda, ALS-ARS qurilmalari ishlamaydigan yoki bunday vositalar bilan jihozlanmagan poyezd esa - navbatdagi svetoforgacha 20 km/soatgacha tezlikda harakat qilishiga ruxsat etiladi.
Avtoblokirovka (avtoto‘xtatgichlar va muhofaza uchastkalariga ega bo‘lgan avtoblokirovka) asosiy signallashtirish vositasi hisoblangan tarmoqlarda poyezdlar harakati svetoforlarning ruxsat beruvchi ko‘rsatkichlari yonib turgan taqdirda ALS signal ko‘rsatkichida ko‘rsatilgan tezlikdan ortiq bo‘lmagan tezlikda, ALS-ARS qurilmalari bilan jihozlanmagan tarmoqda esa - svetoforda ruxsat etilgan tezliqdan ortiq bo‘lmagan tezlikda amalga oshiriladi. Agar ALS signal ko‘rsatkichi svetoforda ruxsat etilgan tezliqdan katta bo‘lsa, svetofor signalining talabi bajariladi.
