Microsoft Word Bojxona nazariyasi doc

 
2 bob. Bojxona faoliyatining va organlarining menejmenti 
 
2.1 Bojxona organlari tizimi va shaxsiy tarkibi 
 
Bojxona ishini xalqaro normalar asosida, shuningdek tizimi va 
tuzilishi, vazifalarni takomillashtirish zaruriyati tug’ildi. 
Respublika Davlat bojxona ko’mitasi respublikaning qonun 
hujjatlariga va xalqaro shartnomalariga muvofiq bojxona ishi, 
kontrabandaga, giyohvandlik vositalari, psixatrop moddalarning 
g’ayriqonuniy muomalasiga qarshi kurash masalalari bo’yicha xorijiy 
davlatlarning bojxona va boshqa organlari hamda xalqaro tashkilotlar 
bilan hamkorlikni amalga oshiradi. 
Bojxona organlari respublikaning yagona bojxona siyosatini 
amalga oshirish va iqtisodiy manfaatlarni himoya qilish maqsadida 
tuziladi. 
Respublikasi Davlat bojxona qo’mitasi, Davlat bojxona 
qo’mitasining Qoraqalpog’iston respublikasi, viloyatlar, Toshkent 
shahri bo’yicha boshqarmalari, bojxona komplekslari va bojxona 
postlari bojxona organlaridir. Bojxona organlari o’z faoliyatida 
respublika Konstitusiyasiga, Davlat bojxona xizmati to’g’risidagi 
qonunga, respublikaning boshqa qonun hujjatlariga va xalqaro 
shartnomalariga amal qiladilar.  

---

 
21
Bojxona organlari qonun hujjatlariga muvofiq o’z faoliyatini 
davlat hokimiyati mahalliy organlaridan mustaqil tarzda amalga 
oshiradilar. Bojxona organlari o’z vakolatlari doirasida qabul 
qiladigan qarorlar barcha yuridik va jismoniy shaxslar tomonidan ijro 
etilishi shart. Bojxona organlari huquqini muhofaza qiluvchi organlar 
hisoblanadi va davlat byudjeti mablag’laridan ta`minlanadi. 
Respublika Davlat gerbining tasviri tushirilgan va o’z nomi bilan 
bitilgan muhrga ega. 
Bojxona organlarining asosiy vazifalari quyidagilardan iborat: 
-  yuridik va jismoniy shaxslarning huquqlari hamda qonun 
bilan muhofaza etiladigan manfaatlarini himoya qilish; 
-  respublikaning iqtisodiy manfaatlarini himoya qilish va o’z 
vakolati doirasida uning iqtisodiy xavfsizligini ta`minlash; 
-  bojxona siyosatini ishlab chiqish va amalga oshirishda 
ishtirok etish;  
-  bojxona haqidagi qonun hujjatlariga rioya etilishini nazorat 
qilish;  
-  bojxona to’lovlarini undirish;   
-  bojxona nazoratidan o’tkazilishi kerak bo’lgan tovarlar va 
transport vositalari shunday nazoratdan o’tkazilishini 
ta`minlash; 
-  bojxona haqidagi qonun hujjatlari buzilishini, shu jumladan 
kontrabandaning oldini olish, uni aniqlash va ularga chek 
qo’yish; 
-  tashqi iqtisodiy faoliyatga doir bojxona statistikasini hamda 
tovar nomenklaturasini yuritish, respublika xalqaro 
shartnomalarining bojxona ishiga oid qismidan kelib 
chiqadigan majburiyatlar bajarilishini ta`minlash. 

---

 
22
Bojxona organlari o’z vakolatlari doirasida quyidagi huquqlarga 
egadirlar: 
- 
tovarlar va transport vositalarini, qonun hujjatlarida nazarda 
tutilgan hollarda esa, jismoniy shaxslarning o’zini ko’zdan kechirish, 
yuridik va jismoniy shaxslardan ko’zdan kechirish uchun tovarlar va 
transport vositalarini, shuningdek zarur hujjatlarini taqdim etishni 
talab qilish, valyuta nazoratini amalga oshirish, moliya, bank va 
boshqa tashkilotlardan shuningdek yuridik va jismoniy shaxslardan 
eksport-import operasiyalarini amalga oshirish bilan bog’liq bo’lgan 
axborot va hujjatlarni hamda qonun hujjatlarida belgilangan boshqa 
axborotni olish, bojxona nazoratidan o’tkazish maqsadida tovarlar 
hamda boshqa buyumlardan namuna va nusxalar olish, bojxona 
nazoratidan o’tkazilishi lozim bo’lgan tovarlar saqlanayotgan 
hududlarga va binolarga belgilangan tartibda kirish, bojxona haqidagi 
qonun hujjatlarining buzilishiga doir materiallarni belgilangan 
tartibda ko’rib chiqish hamda jismoniy va yuridik shaxslarni qonun 
hujjatlariga muvofiq javobgarlikka tortish, bojxonaga oid 
huquqbuzarliklarning bevosita predmeti bo’lgan tovarlar va transport 
vositalarini qonun hujjatlarida belgilangan hollarda va tartibda ushlab 
turish hamda olib qo’yish, surishtiruv o’tkazish va tezkor-qidiruv 
faoliyatini amalga oshirish, bojxonaga oid huquqbuzarliklarni 
aniqlashga xizmat qiladigan texnikaviy va maxsus vositalarni qo’llash. 
Bojxona organlari majburiyatlari, bojxona organlari: 
-  yagona davlat bojxona siyosatini ro’yobga chiqarishda ishtirok 
etishga;  
-  bojxona haqidagi qonun hujjatlariga rioya etishni, bojlar to’g’ri 
hisoblanishi, to’liq va o’z vaqtida to’lanishini nazorat 
qilishga;  

---

 
23
-  davlat xavfsizligini, jamoat tartibini saqlash, fuqarolarning 
hayoti va sog’ligini himoya qilish, atrof-muhitni muhofaza 
etish chora-tadbirlar amalga oshirilishiga ko’maklashishga; 
-  yuridik va jismoniy shaxslarni tovarlar va transport vositalarini 
olib o’tish hamda bojxona chegarasidan o’tish vaqtidagi 
huquqlari va majburiyatlari to’g’risida u vaqtida xabardor 
qilishga;  
-  o’z xizmat vazifalarini bajarilishi natijasida o’zlariga ma`lum 
bo’lib qolgan davlat siri va tijorat siri hisoblangan axborotni 
oshkor etmaslikka majburdirlar.