BAKTENETSİN 5 MOLEKULUNUN F-R-P-X TİPLİ TETRAPEPTİD ANALOQLARININ
KONFORMASİYA XÜSUSİYYƏTLƏRİ
Xanım KƏRİMOVA, Gülşən AĞAYEVA
Bakı Dövlət Universiteti, Qafqaz Universiteti
kerimova.xanim@gmail.com, gulshen@mail.ru
AZƏRBAYCAN
Təqdim olunmuş işdə nəzəri konformasiya analizi üsulu ilə antibakterial təsirə malik olan Baktenetsin 5 (OaBac5)
molekulunun F-R-P-X (X=Trp,Phe, Tyr, Met) tipli tetrapeptid analoqlarının konformasiya imkanları tədqiq edilmiş və
onların ən ehtimal olunan fəza quruluşu modelləşdirilmişdir [1-2]. Baktenetsin 5 (OaBac5), 43 aminturşusu qalığından
ibarət peptid molekuludur və mənfi yüklü Gram bakterialara qarşı güclü təsir göstərir [1]. Bu molekulun tərkibində Phe-
Arg-Pro ardıcıllığının bir neçə dəfə təkrar olunması onun funksional əhəmiyyətindən xəbər verir. Bununla əlaqədar olaraq
bu ardıcılığın əsasında bir neçə tetrapeptid analoqları Phe-Arg-Pro-Xxx, (Xxx= Trp, Phe, Tyr və Met) sintez olunmuş və
onların antibakterial xüsusiyyətləri bioloji testlər vasitəsilə sınanmışdır [1-2]. Göstərilmişdir ki, tərkibində hidrofob
qalıqları və tam müsbət yüklü Arg qalığı olan tetrapeptidlərin aktivliyi bu münasibətdədir: Phe-Arg-Pro-Trp >Phe-Arg-Pro-
Phe>Phe-Arg-Pro-Tyr≥Phe-Arg-Pro-Met. Bu amillər molekulun mənfi yüklü Gram bakteriyaların membranları ilə qarşılıqlı
təsirə girərək onları neytrallaşdırmasına imkan yaradir. Belə dərman əhəmiyyətli peptidlərin konformasiya imkanlarını
müəyyən etməklə onların funksional mexanizminin öyrənilməsi mümkündür.
| 
