Milliy tiklanish

2.2. Aholining huquqiy, siyosiy ongi va madaniyatini 
oshirish, korrupsiyaga nisbatan murosasiz kurashish 
sohasida:
huquqiy, siyosiy ong va madaniyatni umumjamoa 
madaniyatining ajralmas tarkibiy qismiga aylantirish;
davlat va xususiy tashkilotlar tomonidan ehtiyojmand 
aholiga onlayn yoki boshqa shakldagi bepul yuridik 
yordam ko‘rsatish tizimi, “Fuqarolik maslahat byurosi” 
kabi ko‘ngillilar birlashmalarini tashkil etish tashabbusi 
bilan chiqish, “Yilning eng yaxshi huquqiy xayriyasi” nomli 
loyihani amalga oshirish;
har bir fuqaroning qonun hujjatlarini bilishi va ularga 
og‘ishmay amal qilishiga oid chora­tadbirlarni belgilash;
qonunlarga rioya etish ko‘nikmasini shakllantirishda 
oila, ta’lim­tarbiya maskanlari, mahalla, jamoatchilik 
institutlari imkoniyatlaridan foydalanishga qaratilgan 
mexanizmlarni yaratish;
xalqimizning siyosiy jarayonlarda bevosita va bil­
vosita ishtirokini yuqori darajaga ko‘tarish;
qonun va qonunosti normativ­huquqiy hujjatlar loyi­
halari muhokamalarida aholining faol ishtirokini ta’minlash;
korrupsiyaga qarshi kurashishning ma’naviy­ma’­
rifiy va javobgarlikning muqarrarligi usullarini tanlash, 
odamlar ongida korrupsiyaga murosasiz munosabatni 
shakllantirish.
2.3. Muruvvat, kechirimlilik, insonparvarlik va bag‘­
rikenglik kabi oliyjanob fazilatlarni sud amaliyotiga 
joriy etish sohasida:

---

19
O‘ZBEKISTON «MILLIY TIKLANISH» DEMOKRATIK PARTIYASI
jinoiy ishlarga oid qonunchilikni yanada liberal­
lashtirish, ayrim jinoyatlarni dekriminalizatsiya qilish 
siyosatini, jinoiy jazolar ijrosi tartibini yengillashtirishni 
davom ettirish;
monopol faoliyat, shuningdek, tibbiyot sohasidagi 
qonunbuzilishlar, xususan, tibbiy yordam ko‘rsatmaganlik, 
tashxis va davolash bo‘yicha noto‘g‘ri ma’lumotnoma 
berganlik va boshqa holatlar uchun ma’muriy va jinoiy 
javobgarlik belgilash;
ma’muriy sudlov ishlariga yarashtiruv institutini keng 
joriy etish;
xalqaro amaliyotda keng qo‘llanilayotgan jinoyat 
huquqining zamonaviy institutlarini milliy qonunchilikka 
implementatsiya qilish, xususan, faqat jabrlanuvchining 
arizasi mavjud bo‘lgandagina qo‘zg‘atiladigan alohida 
jinoiy ishlar toifasini kengaytirish;
oila, meros, uy­joy da’vosi va maishiy turmushda 
vujudga keladigan boshqa nizolarni sudgacha hal etish 
tizimini rivojlantirish, shu jumladan, har qanday nizoni 
xalqimizga xos bo‘lgan tinch yo‘l bilan hal etishga intilish 
va murosa yo‘lini izlash, ishlarni sudgacha hal etish 
institutlarini keng qo‘llash orqali amaliyotda sud tartibida 
ko‘rib chiqiladigan ishlarning ulushini kamaytirish;
sudyalarning ixtisoslashuvini saqlab qolgan holda 
tuman, shahar va viloyatlarda faoliyat ko‘rsatayotgan 
jinoiy, ma’muriy, fuqarolik va iqtisodiy sudlarni birlashtirish.