Moliya Instituti E. Egamberdiev X

Ishlab chiqarish rejasi. Bu erda asosiy vazifa sheriklarga (partnerlarga) haqiqatda zarur bo’lgan mahsulotni, kerak miqdorda va sifatda, kerakli muddatlarda ishlab chiqara olish imkoniyatingizni isbotlab berishingiz zarur. Siz quyidagi savollarga javob topishingiz kerak:

• 
  mahsulotingiz eski ishlab turgan korxonada ishlab chiqariladimi yoki yangi korxonadami?
  
• 
  buning uchun qanday ishlab chiqarish quvvatlari zarur bo’ladi va ular har yili qanchaga ko’payib boradi?
  
• 
  qanday dastgohlar zarur bo’ladi va ular qaerdan keltiriladi?
  
• 
  ishlab chiqarish aloqadorligi mo’ljallanganmi yoki yo’qmi va kim bilan?
  

Rejaning bu qismidagi ma’lumotlarni 2-3 yilga berilsa yaxshi bo’ladi. Bu rejada - bo’ladigan harajatlarni hisoblab uni baholash ham zarur. Bu erda tabiatni muhofazasi uchun chiqindilarni utilizatsiya qilish uchun kerak bo’ladigan harajatlar ham esdan chiqmasligi kerak.

7. 
   Mehnat va moddiy resurslari rejasi (tashkiliy reja) Rejaning bu qismida qanday mutaxassislar ishlatiladi. Ularning kasbi, ma’lumoti, tajribasi qanday, ishni muvaffaqiyatli olib borish uchun qancha ish haqi berilishi kerak degan ma’lumotlar ko’rsatiladi. Shu bilan birga bunday xodimlar qaerdan qancha muddatga jalb etiladi.
   

Korxonani kim va nima bilan shug’ullanishi, bo’limlarning o’zaro aloqalari qanday bo’ladi, ularning faoliyatini Siz qanday boshqarasiz va nazorat qilasiz degan savollarga javob beruvchi tashkiliy sxemasi berilishi kerak. Butun yil davomida mijozlarni talabini qondirish uchun moddiy resurslar miqdoridan va sifati bo’yicha etarli bo’lishi zarur.

8. 
   Moliya rejasi, avvalgi rejalarning ma’lumotlarini umumlashtirib, bir qancha hujjatlar tayyorlash zarur:
   

• 
  ishlab chiqarib sotiladigan mahsulot xajmini chamalab chiqish;
  
• 
  pul mablag’lari xarajati va tushumini balansi;
  
• 
  daromad va xarajatlar jadvali;
  
• 
  korxona aktivi va passivining umumiy balansi;
  
• 
  zararsiz ishlashga erishish grafigi.
  

Bu xil ma’lumotlar dunyo amaliyoti standartlariga mos keladi. Hozir bizda ham bu xil shaklda hisobot berish va rejalashtirish ishlari, Evropa buxgalateriya hisobini qo’llash amalga oshirilgan.