Microsoft Word 1-ci m vzu- fh t snifati

Torpaqda, dənəvər məhsullarda zəhərləyici maddələrin təyin edilməsi 
 
Torpaqda  (dənəvər  maddələrdə)  zəhərləyici  maddələri  təyin  etmək  üçün 
nasosu  yerindən  çıxarmalı,  iş  üçün  lazım  olan  müvafiq  işarəli  indikator 
borucuğunu  götürüb  uclarını  açmalı  və  nasos  başlığındakı  yuvaya  yerləşdirməli; 
qıfına  qoruyucu  qalpaq  geydirilmiş:  nasos  ucluğunu  burub  nasosa  birləşdirməli. 
Cihazdakı  kürəkciyi  yerindən  çıxarmalı,  torpağın  və  dənəvər  maddələrin 
zəhərlənmə  əlaməti  daha  çox  görünən  üst  səthindən  nümunə  götürüb  onu  nasos 
ucluğunun  qıfına  ağzınacan  doldurmalı;  nümunə  ilə  birlikdə  qıfın  ağzını  tüstü 
süzgəci  ilə  örtüb  süzgəci  sıxıcı  halqa  vasitəsilə  bərkitməli.  Nasosu  lazımi  sayda 
vurmaqla  havanı  indikator  borucuğundan  keçirməli.  Bundan  sonra  sıxıcı  halqanı 
açıb tüstü süzgəcini, nümunəni və qalpağı çıxarıb atmalı, nasos ucluğunu isə yerinə 
qoymalı;  indikator  borucuğunu  nasosun  başlığından  çıxarıb,  indikator 
borucuqlarının işlədilməsi qaydasına uyğun surətdə ZM-ni təyin etməli. 
Cihazın  gövdəsi  maye  damcıları  halındakı  davamlı  zəhərləyici  maddələrlə 
zəhərlənərkən  aşkar  olunmuş  ZM  damcıları,  yaxud  bulaşıqlarını  əridici  maddədə 
(benzin, ağ neft və s.) isladılmış əsgi vasitəsilə diqqətlə kənar etməli, zəhərlənmiş 
sahəni  fərdi  kimyəvi  paketdəki  deqazasiyaedici  mayedə  isladılmış  tamponlarla 
ardıcıl  surətda  təmizləməli.  Bundan  sonra  deqazasiya  edilmiş  həmin  səthi  suda 
isladılmış tamponla yaxşıca silmək və əsgi parçası ilə qurulamaq lazımdır.  
Cihazı  zəhərli  sahələrdən  kənarda,  əleyhqaz  və  qoruyucu  əlcəklər  geyərək 
deqazasiya  edirlər.  Zəhərləyici  maddə  damcıları  cihazın  içərisinə  düşən  hallarda, 
onun  çıxarıla  bilən  bütün  hissələrini  yerindən  çıxarıb,  onları  və  cihazın  daxili 
səthini  deqazasiya  etmək  lazımdır.  Davamlı  zəhərləyici  maddələrlə  çirklənmiş 
kasetlər və süzgəclər məhv edilməlidir.  
Cihazı  deqazasiya  etdikdən  sonra  ondakı  bütün  metal  və  şüşə  əşyaları  yaş 
tamponla  silir  və  təmiz  əsgi  ilə  qurulayırlar.  Çox  zəhərlənmiş  nasosu  deqazasiya 
etməzdən  əvvəl  sökülmüş  hissələri  elə  deqazasiya  edirlər  ki,  klapana  deqazasiya 
məhlulu düşməsin. Deqazasiyadan sonra nasosu quru əsgi parçası ilə silib, dərhal 
yağlamaq  lazımdır. Vaxt və şərait  imkan  verərsə, deqazasiya  etdikdən sonra  açıq 
havada nasosu 10-15 saat küləyə vermək məsləhət görülür.