İstehsal planı özündə bir qayda olaraq istehsal texnologiyasını, müəssisədə mövcud olan ehtiyatları və menecment bölmələrini əks etdirir.
Biznes-planın istehsal texnologiyası bölməsində əmtəə və xidmətlərin, texnologiyaların, xüsusilə də yeni əmtəələrin hazırlanması prosesindən bəhs olunur. Burada firmanın strukturu - ayrı-ayrı bölmələri, yeni məhsulların və texnologiyanın hazırlanması, diqqəti daha çox cəlb edən işlərin müəllifləri, ixtiarçılıq və səmərələşdiricilik hərəkatı və s. haqqında məlumatlar verilir, əməliyyatların ardıcıllığı, istehsalın xüsusiyyətləri (onun sərfəliliyi, təhlükəsizliyi və s.), istehsal xərclərinin quruluşu, onların azaldılması imkanları, servis xilməti və s. göstərilir.
Biznes-planda firmanın maddi və əmək ehtiyatları da göstərilir. Maddi ehtiyatlara istehsalat binaları, nəqliyyat vasitələri, maşın və avadanlıqlar, xammal və materiallar, hazır məhsullar daxildir. Biznes-planda firmanın yerləşdiyi yer, nəqliyyat və kommunikasiya infrastrukturlarının mövcudluğu, istehsalat sahələri, avadanlıqların miqdarı və onların texniki səviyyələri də nəzərdə tutulur.
