Həvəsləndirmə və intizam tənbehinin tətbiqi üzrə rəislərin hüquqları
33. Müəyyən olunmuş səlahiyyət hüdudlarından kənar həvəsləndirmə yaxud intizam tənbehinin tətbiqini zəruri hesab edən rəis bu barədə vəzifəcə böyük birbaşa rəis qarşısında vəsatət qaldırır.
34. Həvəsləndirmə yaxud intizam tənbehinin tətbiqində intizam səlahiyyətini aşan rəis məsuliyyət daşıyır. Bu barədə onun əmri ya özü, ya da rəisi tərəfindən ləğv edilir.
35. Şəxsi silahla təltif etmə və ondan məhrum etmə, orta və böyük rəis heyəti əməkdaşlarına vaxtından əvvəl və tutduqları vəzifə üzrə xüsusi rütbə həddindən bir pillə yuxarı rütbələrin verilməsi, eləcə də intizam tənbehi kimi onların xüsusi rütbəsinin aşağı salınması və daxili işlər orqanlarında xidmətdən xaric olunması Azərbaycan Respublikası daxili işlər nazirinin müstəsna səlahiyyətinə aiddir və nazir tərəfindən müəyyən edilmiş qaydada həyata keçirilir.
37. Xidməti zərurətlə əlaqədar əməkdaş digər orqanın sərəncamına ezam olunduqda, həmin orqanın rəisi onun barəsində öz səlahiyyətləri çərçivəsində həvəsləndirmə və intizam tənbehi tədbirləri tətbiq edə bilər.
