2. Azad iqtisadi zonalar xarici investorlara vergisiz avadanlıq və xammal
idxalına, kapital və gəlirlərin ölkədən maneəsiz çıxarılmasına zəmanət verilən,
zonada istehsal edilmiş məhsulu və yarımfabri- kat malların ixracında gömrük
güzəştləri, istehsal binaları tikmək və istifadə etmək üçün əlverişli şəraitin
yaradılmasını nəzərdə tutan zonalardır.
3.
Azad bank zonaları dedikdə, ölkə xaricindən əldə edilən maliyyə
fondlarının yenə də ölkə xaricində işlədilməsi məqsədilə yaradılan və ölkənin bank
sektoru üçün hazırlanmış hər cür qanun və təşkilatların nəzarətindən kənarda qalan
banklar nəzərdə tutulur.
Bu regionlarda sərmayə qoyuluşu nəzarəti; valyuta nəzarəti yoxdur və ya
aşağı nisbətdədir. Bank fəaliyyəti üçün alınan vergi və xərclər tamamilə
götürülmüşdür. Azad bank zonasında və ya kənar bankların funksiyasının həyata
keçirilməsi üçün başlıca şərt valyutalarla kapital yığa bilən xarici bankların regiona
cəlb edilməsidir.
