Mübariz yusifov m IL Azərbaycan Respublikası Prezidentinin
Yüklə 4,66 Mb. Pdf görüntüsü
|
|
Mübariz Yusifov
tapıbdır. Şübhəsiz ki, müqəddəs kitabımızda Qurani-Şərifdə böyük əxlaqi normalar əks olunubdur.1
Nizaminin əsərlərində Azərbaycanın məişət həyatının tərənnümü də mühüm yerlərdən birini tutur. Nizaminin heç bir əsərində xalqın həyatının məşəqqətlər içində qaldığı, səfalət, çəkdiyi ümidsizliyə düçar olduğu göstərilmir. Hərçənd ki, Nizami dövründə və ondan əvvəlki zamanlarda müstəqil yaşamaq hüququndan məhrum olunan, azadlığı arzulardan o biri tərəfə keçməyən, öz dilində yazıb-oxumaq imkanları əldə edə bilməyən, zəhmətlə becərdiyini öz ruzisinə çevirə bilməyən əhalinin məişət ehtiyacları bitməz- tükənməz olmuşdur. Məişət həyatını Nizaminin öz timsalına çevirdikdə belə, adı əsrlərdən-əsrlərə yaşayan bu dahi şəxsiyyətin öz
güzəranını nəzərdən keçirmək bütün Azərbaycanlı həyatı və məişəti barədə bitkin bir təsəvvür yaradır. Nizami öz dövrünün möhtəşəm qüdrətə malik, dərin savadlı, bilikli və məlumatlı, uzaqgörən bir şəxsiyyəti olduğu halda, şahlan tərif edib onlara zamanların fövqündə dayanan misli-bərabəri olmayan sənət əsələri həsr etdiyi halda, heç bir şahın sarayında özünə layiq olan bir vəzifə tutmamışdır. Doğrudur, Nizami özü «Xosrov və Şirin»də Qızıl Arslanı tərifləyərkən hökmdar tərəfindən unudulduğunu külək vasitəsi ilə çatdıraraq belə deyir: Ora yol tapanda, ey külək, dərhal Sən bu Nizamini bir yadına sal! Dayan səcdəsinə bir kölə kimi Xəbər ver ki, belə deyir Nizami: 1 Heydər Əliyev. Yeni Azərbaycan Partiyasının yaradılmasının 6 -cı ildönümünə həsr olunmuş təntənəli yığmcaqda çıxışı. «Xalq qəzeti», 28 noyabr, 1988.
Yüklə 4,66 Mb. Dostları ilə paylaş:
|