Mübariz yusifov m IL Azərbaycan Respublikası Prezidentinin
Yüklə 4,66 Mb. Pdf görüntüsü
|
|
Mübariz Yusifov
4. Atalar sözləri və zərbi-məsəllər Nizaminin əsərlərində Azərbaycan xalqına məxsus, bu xalqın milli təfəkkürünün şirəsi ilə yoğrulmuş çoxlu atalar sözləri və zərbi-məsəllər işlədilmişdir. Həmin atalar sözləri və zərbi məsəllərin işlədilməsi bir tərəfdən ona görə zərurət olmuşdur ki, Nizami öz
əsərlərinin daxilini, batini anlayışlarını Azərbaycana məxsus bütün
əlamətlərlə, Azərbaycançılığa məxsus bütün atributlarla və etiketlərlə bəzəyəcək bütün təsvir edilən hadisələrə Azərbaycanlı ruhu vermək istəmişdir. Atalar sözləri və zərbi-məsəllər xalq ruhunun ən bariz göstəricilərindən və atributlarından olduğu üçün Nizami, əlbəttə ki, onlardan yan keçə bilməzdi. Nizami öz milli təəssübkeşliyini bütün başqa etiketlərlə olduğu kimi, atalar sözləri və zərbi-məsəllərlə də canlandırmışdır. İkinci bir tərəfdən, görünür, Nizaminin təsvirlərində bu təsvirləri canlandırmaq üçün vacib olan atalar sözlərini və zərbi məsəlləri fars dilində tapmamışdır. Daha dəqiq desək, yəqin ki, fars dilində lazım olan məzmunu, emosiyanı çatdırmaq üçün uyğun atalar sözlərinə, zərbi-məsəllərə və üstəlik, hikmətli sözlərə təsadüf olunmamışdır. Yoxsa Nizami kimi dahi bir qələm ustası necə ola bilərdi ki, fars dilinə məxsus hikmətli sözlərdən istifadə etməyə idi. Bütövlükdə Nizaminin öz əsərlərində Azərbaycan milli düşüncəsini canlandıran atalar sözləri və zərbi-məsəllərdən istifadə etməsindən məqsədi Azərbaycançılıq ruhunun canlandınlmasından ibarət olmuşdur. Nizaminin əsərlərində işlədilən atalar sözləri, zərbi-məsəllər və hikmətli sözlərin tədqiqi çox vacib məsələlərdən biridir. Ancaq demək lazımdır ki, Nizami bizə çox böyük bir mənəviyyat xəzinəsi qoyub getmişdirsə, onun hər misrası, hər beyti səslənib «Mən Azərbaycanlıyam» deyə haray salırsa onların tədqiqini, araşdırmasını genişləndirmək və
dərinləşdirmək Azərbaycanlı tədqiqatçıların milli
düşüncəsinə təsir edən vətəndaşlıq borcu olmalıdır. Yüklə 4,66 Mb. Dostları ilə paylaş:
|