Mühafizə releləri haqqında ümumi məlumat. Müxtəlif növ relelərin işləmə prinsipi və quruluşu
Yüklə 262,7 Kb. Pdf görüntüsü
|
|
Selektivlik Selektivlik zədələnmə zamanı yalnız həmin hissə üçün nəzərdə tutulmuş açarların işləyib zədələnməni aradan qaldırmasıdır. Stabillik Stabillik mühafizənin təsir zonasından kənarda baş verən zədələnmələr və yaxud da digər təsirlər zamanı mühafizənin düzgün fəaliyyət göstərmək qabiliyyətidir. Həssaslıq Rele mühafizəsi öz təsir zonasında bütün hallarda zədələnməni hiss edib onu aradan qaldırmalıdır. Əksər hallarda rele mühafizəsi o vaxt həssas sayılır ki, əsas işləmə parametrləri ən kiçik olsun. Cəld təsirlik Zədələnmələr zamanı həmin element nə qədər tez açılarsa sistemin işdə qalan elementləri və tələbatçıları üçün bir o qədər yaxşıdır. Rele mühafizəsinin cəld təsiri aşağıdakı səbəblərə görə vacibdir: 1.Generatorların , mühərriklərin və bütünlükdə sistemin dayanıqlığı artır 2.İşlədicilərin aşağı gərginlik şəraitindəki işləmə müddəti azalır ki, bu da öz növbəsində mühərriklərin qısaqapanmanın açılmasından sonra öz - özünə işə düşməsini asanlaşdırır. 3.Zədələnmələrin həcminin azalması 4.ATQ – nin və EAQ – nın effektivliyi artır. Rele mühafizəsinin selektiv işi Rəqəmli texnikanın köməyi ilə selektivliyi təmin etmək üçün əsasən aşağıdakı üsullardan istifadə edilir. Zamana görə; Cərəyana görə; İstiqamatə görə; Məntiqi selektivlik; Qarışıq selektivlik. Zamana görə selektivlik Zamana görə selektivliyin əldə edilməsi Şək.1 - də göstərilmişdir. Şək.1. Zamana görə selektivliyin əldə edilməsi sxemi Selektivliyin bu formasından əsasən radial sxemlərdə istifadə olunur. Sonuncu xətdə baş verən zədələnməni bütün maksimal cərəyan releləri hiss edir. Lakin relelər arasında müxtəlif işləmə vaxtlarının olmasına görə zədələnmə D relesi vasitəsilə aradan qaldırıldıqdan sonra digər relelər əvvəlki normal vəziyyətinə qayıdırlar. İki ardıcıl rele arasındakı vaxt fərqi selektivlik intervalı adlanır və adətən 0.3 san götürülür. Zamana görə selektivliyin üstün cəhəti odur ki, selektivliyin əldə edilməsi çox asan başa gəlir. Lakin pillələrin sayı çoxaldıqca mənbə tərəfdən böyük dözmə müddətinin alınması yolverilməzdir. Zamana görə selektivliyi əsasən iki formada: asılı olmayan dözmə müddətli və əks asılı dözmə müddətli yerinə yetirmək olar. Asılı olmayan dözmə müddətli MCM Şək.2 - də göstərilmişdir . Şək.2 Asılı olmayan dözmə müddətli MCM Aydın məsələdir ki, bu halda IsA > IsB > IsC və ТА > ТВ > ТС olur. Burada IsA ,IsB, IsC və ТА, ТВ, ТС uyğun olaraq relelərin işləmə parametrləridir. ∆Т selektivlik intervalı adətən 0.3 san götürülür. Əks asılı dözmə müddətli MCM - ni yerinə yetirən zaman ∆Т selektivlik intervalı cərəyanların maksimum qiymətlərinə əsasən sazlanır və bu zaman eyni əyridən istifadə etmək lazımdır ki, kəsişmə olmasın. Mühafizənin işləmə cərəyanları IsA > IsB > IsC kimi götürülür (Şək.3). Şək.3. Əks asılı dözmə müddətli MCM Qeyd edək ki, əks asılı dedikdə - burada cərəyanın qiymətinin artması ilə işləmə müddətinin azalması nəzərdə tutulur. Yüklə 262,7 Kb. Dostları ilə paylaş:
|