Rayonlaşdırılan ərazinin kompleks təbii - istehsal xarakteristikası
Rayonlaşdırılan ərazinin və oradakı landşaft rayonlarının izahlı təbii - istehsal
xarakteristikası, həmçinin xəritə - rayonlaşdırmanın vacib sənədidir. Məzmun
xarakteristikası 2 əsas kateqoriya olur: ümumielmi və tətbiqi (ixtisaslaşdırılmış).
TƏK-lərin xarakteristikasının məzmun hissəsi elmi və praktiki nəticələrlə,
təkliflərlə sona yetməlidir. Məzmun xarakteristikası 4 əsas hissədən ibarət olur:
giriş, komponent hissəsi, regional hissə və nəticə. Tətbiqi və ya ixtisaslaşdırılmış
mətn xarakteristikası hər bir halda özünün xüsusiyyətlərinə malik olur və məxsusi
işlənilir.
Kompleks təbii - istehsalat xarakteristikasının strukturu və tərkibi
rayonlaşdırmanın tətbiqi istiqaməti ilə ilkin təyin olunur. Xarakteristikanın
keyfiyyətli tərtib edilməsi bir çox mütəxəssislərin birgə işindən çox asılıdır.
Kəmiyyət göstəriciləri seçərkən onların praktiki əhəmiyyəti nəzərə alınır və bunlar
zonal-qurşaq təbii şəraitlərdən asılı olaraq müxtəlif olacaqlar. Kəmiyyət və
keyfiyyət göstəricilərinin vəhdəti (mətn hissəsi) kənd təsərrüfatı işlərinin rayonun
landşaft strukturuna uyğun olub- olmamasını aydınlaşdırmağa, rayonun torpaq
ehtiyatlarından istifadəsini yaxşılaşdırmaq üçün praktiki məsləhətlər verilməsinə
imkan yaradır.
downloaded from KitabYurdu.org
| 
