Ġynənin sınıb toxumalarda qalması-köhnə, nazik iynələrlə aparılan inyeksiyalar zamanı bu cür
fəsad baş verə bilər. İnyeksiya zamanı sağrı əzələlərinin güclü təqəllüsü də iynənin sınmasına səbəb ola
bilər. Əgər sınmış iynənin ucu dərinin üstündə görünərsə, dərhal pinsetlə çıxarılmalıdır. Əks halda cərrahi
əməliyyat aparılmalıdır.
Sinir kötüklərinin zədələnməsi-sinir kötükləri əzələdaxili və venadaxili inyeksiyalar zamanı iynə
ilə mexaniki və dərmanla kimyəvi zədələnə bilər. Bu da nevrit (sinirin iltihabı), parez və ifliclər kimi
fəsadlara gətirib çıxara bilər. Buna görə tibb işçisindən inyeksiyaların texnikasına tam yiyələnmək və iynə
vurulan yerin topoqrafiyasına dəqiq bələdlik tələb olunur.
Dərmanın səhv yeridilməsi-yeridilməli preparat əvəzinə səhvən başqa dərman yeridildikdə həmin
nahiyəyə və onun ətrafına fizioloji məhlul (50-80ml) yeritmək və soyuq qoymaq lazımdır. Dərialtı
inyeksiyalar zamanı dərman yeridilən yerdən yuxarı kəmər qoyulur. Səhv yeridilən dərmana qarşı başqa
preparatların vurulması məsələsini mütləq həkim həll etməlidir.
Nekroz-canlı orqanizmdə toxumaların məhəlli ölümü olan nekroz güclü qıcıqlandırıcı dərmanların
səhvən və dəri altına yeridilməsi zamanı, yaxud venepunksiyanın ağırlaşması zamanı baş verir. Bu, ən çox
dəri altına 10%-li kalsium xlorid məhlulu yeritdikdə olur. Bu zaman həmin nahiyiyə fizioloji məhlul
yeridərək, soyuq qoyurlar. Bunlar kömək etmədikdə nekrotik toxumalar cərrahi yolla kənar edilir.
Hematoma-venepunksiya düzgün aparılmadıqda dərialtına qansızma və çıxan qanın laxtalanaraq
toplanması kimi meydana cıxır. Belə halda iynə cıxarılır və yeri spirtli steril tamponla silinir. Hematoma
olan yerə yarımspirtli sarğı qoyulur.
Flebit-inyeksiya aparilan vena divarının fiziki və ya kimyəvi qıcıqların təsirindən baş verən iltihabı
prossesdir.
Tromboflebit-vena divarının iltihabı ilə birgə trombun olmasıdır. Flebit və tromflebitlərin ilkin
dövrlərdə müalicəsi konservativdir. Sepsis-sepsis orqanizmin ümumi irinli infeksiyası olub, inyeksiyalar
zamanı və qanköçürmə üçün olan sistemlərin, ya da köçürülən məhlulların bakterial çirklənməsi zamanı
baş berir. Bu cür sepsisə angiogen sepsis deyilir.