Darsning borishi: I.Tashkiliy qism: Oʻqituvchi: Assalomu aleykum, aziz oʻquvchilar
Oʻquvchilar: Vaaleykum assalom, hurmatli ustoz
Darsimizning shiori: “Bilim ol bilma tinim, odam boʻl olib ilm” Oʻqituvchi: Bugun darsda kim navbatchi, marhamat axborot topshiring.
Navbatchi oʻquvchi: Bugun bahor faslining birinchi, ya’ni mart oyining 16 kuni, sinfimizda 30 ta oʻquvchining barchasi darsga qatnashmoqda.
Oʻqituvchi: Aziz oʻquvchilar oʻlkamizda qish fasli, qish fasli bayramlarga boy fasl.
Mavzu:Muhitning biotik omillari. Tirik organizmlar o‘rtasidagi munosabatlar REJA: 1. Muhitning biotik omillari. 2. Tirik organizmlar o‘rtasidagi munosabatlar.
3.Biotik munosabatlar.
Tabiiy sharoitda har bir tirik organizm yovvoyi tabiatning boshqa vakillari bilan hamkorlikda yashaydi. Bir yoki har xil turga mansub o‘simlik, hayvon va mikroorganizmlarning o‘zaro hamda yashash sharoitlariga ta’siri muhitning biotik omillarini ifodalaydi. Organizmlar orasidagi o‘zaro munosabatlarning barcha ko‘rinishlari muhitning biotik omillarini tashkil qiladi. Biotik omillar ikki guruhga ajratiladi. Tur ichidagi munosabatlar - bir turga mansub individlar o‘rtasidagi munosabatlar. Bu populatsiyaning o‘z- o‘zini boshqarishdagi muhim mexanizmdir. Turlararo munosabatlar - har xil turlar o‘rtasidagi munosabatlar sanaladi. Populatsiyalardagi individlar soni o‘zaro ta’sir natijasida o‘zgarishsiz qoladigan munosabatlar neytral munosabatlar deb ataladi. Agar o‘zaro ta’sir natijasida bir populatsiyadagi individlar soni ortsa, lekin ikkinchi populatsiyadagi individlar soni kamaymasa, bunday munosabatlar ijobiy yoki simbiotik munosabatlar deb ataladi. O‘zaro munosabatlar tufayli bir populatsiyadagi individlar soni qanday o‘zgarishidan qat’i nazar, ikkinchi populatsiyadagi individlar soni kamaysa, bunday munosabatlar salbiy yoki antagonistik (antibioz) munosabatlar deyiladi.
Har qanday munosabat turini o‘zaro ta’sirlashuvchi populatsiyalardagi individlar sonining o‘zgarishini ifoda etuvchi ramziy belgilar orqali ifodalash mumkin. Individlar sonining ortishini«+», kamayishini «-» belgisi bilan, individlar soniga ta’sir etmaydigan munosabatlar «0» belgisi bilan ifodalanadi. Ushbu tasniflardan foydalanib, eng keng tarqalgan o‘zaro munosabatlar turlari quyidagi jadvalda aks ettirilgan
