LEPESTOK TİPLİ RESPİRATOR-tənəffüs üzvlərini zərərli aerozollardan və tozlardan qorumaq üçündür.
Birdəfəlik istifadə üçün nəzərdə tutulmuşdur. Bu respiratorun tənəffüsə qarşı müqaviməti azdır və müqavimət tozlu
havada çox yavaş artır.
FFP1 sinfinə aid olan respiratorlar yaxşı ventilyasiya olunan otaqlarda (qapalı yerlərdə) toksiki olmayan
qarışıqların buraxıla bilən hədd qatılığının 4 mislində tətbiq olunur, tozu, maye və bərk aerozolları 80 %-ə qədər
tutur.
Pambıqlı tənzif sarğının hazırlanması
ölçüsü 100 х 50 sm olan tənzifin üzərinə uzunluğu 30 sm, eni 20 sm, hündürlüyü 2 sm olan pambıq qatı
döşənir. Tənzifi uzun tərəfindən pambıq üzərinəqatlayırlar və uc tərəflərini qayçı ilə 30-35 sm uzunluqda yarıya
bölürlər. Alınan bağların kənarları ayrı-ayrı ilmələrlə tikilir. Pambıqlı tənzif sarğı bakteryalardan və tozdan (100
mq/m
3
qatılağa qədər) qoruyur.
43. Dərinin fərdi mühafizə vasitələri
Dərinin fərdi mühafizə vasitələri (DFMV) dəri örtüyünü, paltarı, ayaqqabıları, şəxsi ləvazimatları ZM-dən,
QKTM-dən, BA-dan, radioaktiv tozdan və qismən, nüvə partlayışının işıq şüalanmasından qorumaq üçündür.
DFMV mühafizə prinsiplərinə görə 2 növ olurlar: təcridedici və süzücü.
Təcridedici DFMV-lərə L-1 yüngül mühafizə kostyumu, OZK ümumqoşun mühafizə komplekti, mühafizə
kombinezonu və mühafizə kostyumu, süzücü DFMV-lərə isə ZFO-58 süzücü mühafizə paltarı (Süzücü mühafizə
paltarı ZFO-58 ZM və QKTM-lərin buxarlarından və aerozollarından, bakterial vəsaitlərdən, radioaktiv tozdan və
nüvə partlayışının işıq şüalanmasından mühafizə üçündür), OKZK ümumqoşun kompleks mühafizə kostyumu
aiddirlər.
L-1 yüngül mühafizə kostyumu insanın dəri səthini, paltarını, ayaqqabılarını zəhərləyici, qəza-kimyəvi
təhlükəli maddələrdən, radioaktiv tozlardan və bakterial vasitələrdən qorumaq üçündür. L-1 mühafizə
kostyumunun dəstinə gödəkcə, şalvar, əlcəklər və çanta daxildir.
L-1 yüngül mühafizə kostyumu 3 ölçüdə buraxılır.
Ümumqoşun mühafizə komplekti (OZK) insanların bədəninin dəri örtüyünü, paltarını, ayaqqabılarını,
ləvazimatlarını ZM-dən, QKTM-dən, radioaktiv tozlardan və bakterial vasitələrdən qorumaq üçündür.
Ümumqoşun mühafizə komplektinin tərkibinə mühafizə plaşı, mühafizə corabları və əlcəkləri, örtük daxildir.
Mühafizə plaşı 5 ölçüdə hazırlanır: 1, 2, 3, 4, 5. Mühafizə plaşının ölçüsü insanın boyuna görə təyin edilir.
Komplektə daxil olan yay əlcəkləri (BL-1M) 3 ölçüdə, qış əlcəkləri (BZ-1M) isə 2 ölçüdə hazırlanır.
Mühafizə kombinezonu bir-birinə birləşdirilmiş şalvardan və başlıqlı gödəkçədən ibarətdir. Mühafizə
kombinezonu rezin sapoqlar, əlcəklər və şlemaltlığı ilə birlikdə tətbiq olunur. Kombinezon 3 ölçüdə buraxılır.
ZFO-58 süzücü mühafizə paltarı kombinezondan, kişilər üçün alt paltarından (tuman və köynək), iki cüt ayaq
sarğısından (parça dolaq) və şlemaltlığından ibarətdir.
Bunlardan başqa, dəri örtüyünün mühafizə vasitəsi kimi, istehsalatda tətbiq edilən iş paltarları, gündəlik geyim
kimi istifadə olunan plaşlar, sıx və qalın materiallardan hazırlanmış paltarlar, su keçirməyən örtüklər, rezin və dəri
materiallardan hazırlanmış əlcəklər, uzunboğaz ayaqqabılar da tətbiq edilə bilər.
Dostları ilə paylaş: |
