Multikulturalizmin mahiyyəti

Azərbaycan ədəbiyyatı Azərbaycan multikulturalizminin əsas qay­­naqlarından biridir. Qədim dövrlərdən bəri yaşayıb yaratmış gör­kəm­­li Azərbaycan şairlərinin və yazıçılarının əsərlərində irqi, etnik, dini və mədəni müxtəlifliklərin qorunmasını, ümumiyyətlə birgə­ya­şa­yı­şı və to­lerantlığı təbliğ edən bədii nümunələrin öy­rənilməsiAzər­bay­can mul­ti­kulturalizm modelinin dərin köklərə malik olmasını gös­tə­rir.
Multikulturalizm Azərbaycan xalqına xas olan, xalqımızın psi­xo­logiyasını, milli mentalitetini səciyyələndirən bir dəyərdir. Psixo­lo­gi­ya fənni qeyd olunan müddəaların elmi cəhətdən əsaslandırılmasına kö­mək edir.
Azərbaycan tarixi fənni ölkəmizin ərazisində müxtəlif xalqların və dini konfessiyaların nümayəndələrinin əsrlər boyu sülh və əmin-aman­lıq şəraitində yaşamaları haqqında bilgilər verir. Bu, “Azər­bay­can multikulturalizmi”fənnində təqdim olunan müddəaları daha da əsas­lı edir.
Kulturologiya fənni Azərbaycan xalqının mədəniyyətində, ədə­biy­yatında, incəsənətində əks olunan onun etnik-mədəni dəyərlərinin əhə­miyyətini araşdıraraq “Azərbaycan multikulturalizmi”fənninin müəy­yən müddəalarının əsaslandırılması üçün empirik material təq­dim edir. Məsələn, ölkəmizdə yaşayan milli azlıqların etnik-mədəni də­yərlərinə münasibətdə xalqımızın mədəniyyətində, ədəbiyyatında və incə­sənətində müşahidə olunan hörmət ölkəmizin ərazisində qədim dövr­lərdən bəri müxtəlif xalqların nümayəndələrinin əmin-amanlıq şəraitində yaşadıqlarından xəbər verir.
Hüquq elmi etnik, irqi, dini və mədəni azlıqların hüquqlarının mü­dafiə olunması və onların etnik-mədəni dəyərlərinin qorunması sahə­sində dövlətimizin həyata keçirdiyi layihələrdən bəhs edir. Bun­dan başqa bu elmAzərbaycanın üzv olduğu beynəlxalq təşkilatlar tə­rə­findən qəbul olunmuş hüquqi-normativ sənədlərin məzmununu və əhə­miyyətini araşdıraraq ölkəmizdə bu sahədə görülən işlər haqqında məlumat verir.
Politologiya elmi xarici ölkələrdə, xüsusilə də multikulturalizm si­yasətinin meydana gəldiyi Qərb ölkələrındə mövcud olan mul­ti­kul­tu­ralizm modellərini ayrılıqda hərtərəfli təhlil edir. Təhlil nəticəsində əldə olunan bilik Qərb ölkələrindəki multikulturalizm modelləri ilə mul­tikulturalizmin Azərbaycan modeli arasında müqayisənin aparı­l­ma­sına imkan verir. Müqayisəli təhlil Azərbaycan multikulturalizm­kul­turalizminin xüsusiyyətlərinin, o cümlədən, onun üstünlüklərinin dərk olunmasına kömək edir.