Azərbaycan respublikasının tədris müəssisələrində qiymətləndirmə məsələləri
Respublikamızın tədris müəssisələrində təhsil alan şəxslərin fəaliyyətləri müxtəlif formalarda qiymətləndirilir. Ümumtəhsil məktəbləri şagirdlərinin qiymətləndirilməsində və ali məktəb tələbələrinin qiymətləndirilməsində həm fərqli olan, həm də ümumi olan cəhətlər var. Ümumtəhsil məktəbləri üçün özünə- məxsusluq qiymətləndirmənin əsas iki formada aparılmasındadır:
Şagirdlərin bilik və bacarıqlarının qiymətləndirilməsi
Şagirdlərin davranışlarının qiymətləndirilməsi
Şagirdlərimizin fənn üzrə yetirmə dərəcəsi əsasən ənənəvi
rəqəmli beşbal sistemi üzrə qiymətləndirilir. Bununla yanaşı doqquzbal sistemi də bəzi rayonların məktəblərində sınaq məqsədi ilə tətbiq edilir.
Ali məktəblərimizdə tələbələrin bilik və bacarıqları əsasən iki formada: yazılı beşbal sistemi və məqbul (qeyri-məqbul) formasında qiymətləndirilir. Bununla yanaşı, bəzi ali məktəblərdə tələbə fəaliyyətinin müxtəlif cəhətlərinin yüzbal sistemi üzrə qiymətləndirilməsi də təcrübədə sınaqdan keçirilir.
Beşbal sistemi həm ümumtəhsil məktəblərində, həm də ali məktəblərimizdə tətbiq edildiyindən, bu sistem üzrə qiymətləndirmə meyarlarını burada açıqlamaq yerinə düşərdi.
Dostları ilə paylaş: |
