SUBPODRATÇI; hazırki Müqavilə şərtlərinə əsasən malları Tikinti meydançasına çatdırmağı öhdəsinə götürür.
Layihədə istifadəsi nəzərdə tutulan bütün avadanlıq, cihaz və mallar SİFARİŞÇİNİN NÜMAYƏNDƏSİ və SİFARİŞÇİ tərəfindən təstiqlənməlidir və Azərbaycan Respublikasında istifadə edilməsi üçün tələb edilən sertifikatlara malik olmalıdırlar.
Təsdiq olunmuş nümunə ilə; SUBPODRATÇI tərəfindən emal və ya təmin edilən malın bütün Texniki xüsusiyyətləri müəyyən edilmişdir. Ehtiyac yarandıqda, malların nümunələrə uyğun olub-olmamasının yoxlanması üçün xərcləri SUBPODRATÇIYA aid olmaq şərti ilə PODRATÇI tərəfindən testlər keçirilməlidir . Müqavilə tələblərinə uyğun olmayan malların mövcudluğu aşkarlandıqda PODRATÇI bu Müqaviləyə xitam verə bilər və ya bütün xərclər SUBPODRATÇIya aid olmaq şərti ilə malların yenidən təminini və işin yenidən görülməsini tələb edə bilər.
PODRATÇI, hazırki Müqavilə şərtlərinə əsasən nümunəsi təsdiqlənməyən malların tikinti meydançasına gətirilməsini qadağan edə bilər.
SUBPODRATÇI malları başqa firmaya emal etdirmək istədiyi hallarda, işi təklif mərhələsində PODRATÇIYA bildirdiyi firmalara verməlidir. Yuxarıda qeyd edilən firmalar SUBPODRATÇI tərəfindən dəyişdirildikdə yeni firmaların siyahısı PODRATÇI tərəfindən təsdiqlənməlidir.
