Musobaqa turlari Musobaqalarni rejalashtirish

Shuningdek, uchrashuv hakamining fikriga ko`ra, o`yinchi quyidagi qoida buzilishi holatlarining sodir bo`lishida aybdor deb topilsa, raqib jamoa foydasiga erkin zarba belgilanadi:

• 
  raqib o`yinchisiga nisbatan xavfli o`ynasa;
  
• 
  raqib o`yinchisining harakatlanishiga xalaqit qilsa;
  
• 
  raqib jamoa darvozabonining to`pni qo`li bilan o`yinga kiritishiga xalaqit qilsa;
  
• 
  12-qoidada ko`rsatib o`tilmagan boshqa qoida buzilish holatlari qayd etilganda, uchrashuv hakami o`yinchini ogohlantirish (sariq kartochka) yoki o`yindan chetlashtirish (qizil kartochka) maqsadida o`yinni to`xtatsa.
  

Erkin zarba maydonning qoida buzilgan joyidan o`yinga kiritiladi.
Intizomiy jazolar
Ogohlantirish ko`rsatish bilan jazolanuvchi qoida buzilish holatlari
Agar o`yinchi quyidagi 7 qoida buzilish holatlarining birini sodir etsa, hakam tomonidan sariq kartochka ko`rsatish orqali ogohlantiriladi:

1. 
   sport qoidalariga xilof ravishda harakat qilsa;
   
2. 
   so`zlari yoki harakatlari orqali hakamning qaroriga norozilik bildirsa;
   
3. 
   o`yin qoidalarini doimiy ravishda buzsa;
   
4. 
   sun`iy ravishda o`yinni davom etishiga halaqit qilsa;
   
5. 
   burchak, jarima to`pi yoki erkin zarba amalga oshirilayotgan paytda masofaviy joylashishni buzsa;
   
6. 
   hakamning ruxsatisiz maydonga chiqsa yoki maydonga qaytsa;
   
7. 
   hakamni ruxsatisiz ongli ravishda maydonni tark etsa.
   

Maydondan chetlatish bilan jazolanuvchi qoida buzilish holatlari
Agar o`yinchi quyidagi 7 qoida buzilish holatlarining birini sodir etsa, hakam tomonidan qizil kartochka ko`rsatish orqali ogohlantiriladi:

1. 
   o`ta qo`pol va xavfli harakatni amalga oshirsa;
   
2. 
   o`zini juda betartib holda tutsa;
   
3. 
   raqib o`yinchisi yoxud boshqa kimsaga nisbatan tupursa;
   
4. 
   to`pni atayin qo`li bilan ushlab qolish orqali raqib jamoa o`yinchilarining to`pni darvozaga kiritishiga xalaqit qilsa (darvozabon o`z jarima maydonchasi ichida to`pni qo`li bilan o`ynashi bundan mustasno);
   
5. 
   erkin zarba, jarima to`pi yoki 11 metrlik jarima to`pi belgilash bilan jazolanuvchi qoida buzilishi holatini sodir etgan holda zarba berish holatiga chiqayotgan raqib o`yinchisini to`xtatib qolsa;
   
6. 
   haqoratli, odobsiz so`z va iboralarni ishlatsa;
   
7. 
   bir o`yinda ikki marta sariq kartochka bilan ogohlantirilsa.