Ommaviy axborot vositalari – radio, televidenie, gazeta, jurnal va shu kabi katta
auditoriyalarga mo‘ljallangan kommunikasiya turlari.
Organik guruhlash – asoslarini izohlash mumkin bo‘lgan guruhlashning kuzatuv
birliklarini guruhlash turi.
Patriarxat – erkaklarning ayollar ustidan hukmronligi.
Postindustrial jamiyat – moddiy tovarlar ishlab chiqarishdan ko‘ra ko‘proq
axborot ishlab chiqarishga tayanadigan jamiyat.
Predmet – inson faoliyati va bilish jarayonida ob‘ektlar dunyosidan ajratib
qaralgan ma‘lum bir yaxlitlikni ifodalovchi tushuncha.
Prestij – individ yoki guruhning mavqeiga asosan ko‘rsatiladigan hurmat.
Prinsip – turli ahamiyatga ega bo‘lgan faktlar va bilimlar majmuining asotsi,
poydevori, har qanday xatti-harakat, xulq-atvor va faoliyatning boshlang‘ich qoidalari.
Prognoz – biror bir hodisaning kelajakdagi holati haqidagi ilmiy tadqiqotlarga
asoslangan ehtimoliy mulohaza.
Propaganda (lot. yoyish, tarqatish) – keng ma‘noda: ijtimoiy faoliyatning
alohida turi bo‘lib, aholining ijtimoiy-siyosiy faolligini oshirish maqsadida ilmiy,
badiiy, ijtimoiy-siyosiy, milliy g‘oya va qadriyatlarni targ‘ib etishdir; tor ma‘noda:
mafkura va siyosatni targ‘ib etishga qaratilgan faoliyatdir.
Sanksiya – rag‘batlantirish yoki jazolash turlari bo‘lib, ular yordamida ijtimoiy
maqbul bo‘lgan xulq-atvor me‘yorlari mustahkamlanadi.
