Natyurmort chizmatasviri
Yüklə 7,39 Mb. Pdf görüntüsü
|
|
INSON QOMATINI CHIZISH
Inson qomatini o‘rganish bo‘yicha bajariladigan kompozitsiyalar ustida ishlash katta ahamiyatga egadir. “Dastlab naturadan hamma narsani qabul qilishga o‘rganish, so‘ng uni yetarlicha anglab, o‘ziga bo‘ysundirishga harakat qilish kerak”, – degan edi P.P. Chistyakov. Tinch holatdagi – tik turgan va o‘tirgan qomat rasmini chizish tajribasiga ega bo‘lgach, turli burilishlarda bo‘lgan figuralarni mashq qilishga o‘tish mumkin. Murakkablashtirilgan burilishda turgan 101 qomatni o‘rganish xomaki rasmlar chizishda katta yordam beradi. Bunda tors o‘rta asosiy chizig‘i yo‘nalishiga ko‘ra olish muhim ahamiyatga ega. Orqadan rasm chizishda umurtqa egilishini kuzatish katta qiziqish uyg‘otadi. Murakkab rakursda bo‘lgan qomat chizmalari kelajakda jonli shakl rasmini chizishdagi bilimlarni mustahkamlashga yordam beradi. Bu jarayonda chuqurlab ketuvchi ayrim yuzalarning kuchli qisqargan holda, frontal joylashgan yuzalarning esa o‘z haqiqiy kattaligida ko‘rini-shini e’tiborga olish zarur. Jonli shaklni tasvirlash jarayonida perspektiv qisqarishlarni ifodalash uchun geometrik jismlarni chizish qoidalarini hisobga olish kerak. Kuchli harakatda bo‘lgan erkak qomatining turli holatlardagi chizmalarini, masalan, og‘irlik ko‘tarish paytida va h.k. chizish tavsiya qilinadi. Bunday holda torsning tayanch yassiligiga nisbatini, ushbu harakatni tavsiflovchi asosiy mushaklar tarangligini ko‘rsata olish juda muhimdir. (73 - rasm). 73 - rasm. Odam tanasini bosqichma – bosqich tasvirlash. Ikki erkak figurasidan iborat lavhalar chizishni mashq qilish zarur. Bunda asosiy e’tiborni ularning plastik bog‘lanishiga qaratish kerak. Bolalar tasviri ustida ishlash juda qiziqarli ijod turidir. Bunday rasmlarda bolalar ruhiyatining murakkab va ko‘p qirrali ekanligini ifoda-lashga erishish zarur. Holatning plastik xarakterini aniqlash uchun xayolan yelka, bel chizig‘i yo‘nalishli tos bel suyagiga nisbatan og‘irlik markazi holatiga bog‘liqligini aniqlash kerak. Ikki oyoqqa tayangan holatida suyaklar vertikal, chetdan o‘tuvchi tos chizig‘i esa gorizontal holatda bo‘ladi. Bir oyoqqa tushuvchi og‘irlik markazida esa tos yukdan bo‘shalgan oyoq tomonga egilishini esda tutish kerak. Odam qomatini chizishda dastlab o‘rta chiziq yo‘nalishi aniqlanadi. Orqa tomondan rasm chizishda 102 umurtqa chizig‘ining harakatchanligi tufayli tos va elka suyagi turli holatlarda bo‘lishi mumkin. Albatta, bu tartibdagi ish qomat tuzilishini aniqlashda yordamchi vosita bo‘lib xizmat qiladi. Yalang‘och yoki kiyimli qomat rasmlarida jonli xarakter shakli yorqin va dadil berilishi kerak. U yoki bu shaklni tus munosabatlari yordamida ifodalashda alohida emas, katta umumiy shaklni ko‘rishga odatlanish lozim. (74 - rasm). O‘quv mashg‘ulotlarida bajariladigan davomli rasmlarda odam qomati plastik holatlarining turli - tumanligini o‘rganishga imkon yo‘q. Shuning uchun bu bo‘shliqni xomaki rasmlar ustida mustaqil ishlash yo‘li bilan to‘ldirish mumkin. Odam gavdasi plastikasini ifodalashda olingan bilim va ko‘nikmalar syujetli bo‘lmagan o‘lchamlarda qilinadi. Bu ish masshtabli nisbatlar bilan ishlash malakasini o‘stiradi, ko‘z bilan qomat proporsiyalarini aniqlashda qo‘l keladi. Yüklə 7,39 Mb. Dostları ilə paylaş:
|