Mavzu: Rudalarni flotatsiya usulida boyitishga tayyorlashni o‘rganish. Rudalarni boyitish bo‘yicha tajriba ishlarining maqsadi Rudalarni flotatsiyalanish xususiyati va boyitishning optimal texnologik ko‘rsatkichlari faqatgina eksperiment yo‘li bilan aniqlanadi. SHuning uchun eksperiment usullari bilan tanishish tajriba ishlarining asosiy qismi hisoblanadi. Quyida har xil turdagi foydali qazilmalarni flotatsiya usulida boyitish bo‘yicha tajriba ishlari keltirilgan.
Flotatsiya jarayonini boshqarish kimyoviy reagentlar yordamida mineral zarrachalar yuzasining fizik-kimyoviy xususiyatlarini o‘zgartirish hisobiga amalga oshiriladi. SHuning uchun tajriba ishlarini bajarishda asosiy diqqat e’tiborni flotoreagentlarni tanlash va ularning sarfini aniqlashga qaratish lozim bo‘ladi.
