Navoiy davlat konchilik instituti Konchilik fakulteti21

2 - LABORATORIYA ISHI

Mavzu: Sulfidli mis rudalarini flotatsiya usulida boyitish

Ishdan maqsad: Boyitishning optimal texnologik ko`rsatkichlariga ega bo`lish uchun mis rudalarni boyitishning flotatsiya va reagent rejimlarini o`rganish, hamda metallar muvozanatini tuzish.

Qisqacha nazariy ma`lumotlar

Bir nechta sulfidli mis minerallari mavjud bo`lib, ular flotatsiyalanish xususiyatlariga ko`ra bir-biridan farq qiladi.

Tabiatda ko`proq uchraydigan sulfidli mis minerallariga quyidagilar kiradi:

1. 
   Xalkopirit Su₂ FeS₂ (Cu=34,5 %),
   
2. 
   Xalkozin Su₂S (Cu=80 %)
   
3. 
   Kovellin CuS (Cu=67,8 %),
   

3. 
   Tennantit Cu₃ FeS₃ (Cu=52,9 %)
   

5. 
   Tetraedrit Cu₃SbS₃ (Cu=46,8 %).
   

Sulfidli mis rudalarida odatda keraksiz tog’ jinslari silikatlar va birikmalari (peschaniklar) hisoblanadi.

Tarkibiga ko`ra sulfidli mis rudalari 3 turga bo`linadi:

1. Porfirli, 2. Ildizli, 3. Kolchedanli.

Birinchi va ikkinchi turga kiradigan rudalar tarkibida sulfidli minerallar miqdori kamroq uchraydi. Bunday rudalarni boyitishdan maqsad-sulfidli mis minerallarini silikat va uning birikmalaridan ajratish.

Uchinchi turdagi rudalar tarkibida og’ir metallarning sulfidli minerallari ko`p (60% gacha) uchraydi. Bunday rudalarni boyitishdan maqsad-sulfidli mis minerallarini sul’fidli temir minerallaridan ajratishdir.

Sulfidli mis rudalarini boyitish sxemasi 1-rasmda keltirilgan.