boksçunun əzələ lifləri qalınlaşır, onların kapilyar şəbəkəsi artır və əzələnin eninə kəsiyi böyüyür. Məlumdur ki, əzələdə liflərin neyromotor xüsusiyyətləri müxtəlifdir. Bir qrup liflər bəsit
hərəkət xüsusiyyətinə, digər qrup liflər isə məhdud izotonik təqəllüs etmək xüsusiyyətinə malikdir.
Gücün istiqaməti adətən iki istiqamətdə aparılır:
1. Gimnastik alətlərdə və alətsiz ümumi inkişafetdirici hərəkətlərdən, yüklənmiş olaraq
hərəkətlərdən, ştanqla hərəkətlər, oyundaşla müqavimətdə olmaqla və s. hərəkətlərdən istifadə
etməklə gücü inkişaf etdirmək.
2. Xüsusi – hazırlayıcı və xüsusi hərəkətlərdən istifadə etməklə gücün tərbiyə olunması.
Xüsusihazırlayıcı hərəkətlər elə seçilir ki, onlar sinir-əzələ xarakterinə görə boksçunun xüsusi
hərəkətlərinə uyğun olsunlar. Bu hərəkətlərə rəqibin müqavimətinin öhdəsindən gəlmək, məsələn
itələməklə (“puş-puş”), güclə rəqibi saxlamaq, güləşmək, zərbənin gücünü alətlərdə inkişaf
etdirmək və s. hərəkətlərə aiddir.
Boksçunun gücünün tərbiyə olunmasının iki metodu var, bunlar analitik və tam metoddur.
Analitik metodda, hərəkətlərin köməyi ilə əsas yük daşıyan, ayrı-ayrı əzələ qrupunu seçərək,
güclərini tərbiyə etmək etmək olar. Məsələn, əlləri açan əzələlərin gücünü tərbiyə etmək üçün: müxtəlif çəkili yüklə (qantel, dəmir çöplər, doldurulmuş toplar) sürətli güc hərəkətlərdən; cəld gimnastik jim hərəkətlərdən; ştanqla sıçrayıcı və təkan xüsusiyyətli hərəkətlərdən və s.
