Fanni o‘qitishda zamonaviy axborot va pedagogik texnologiyalar Talabalarning
o‘lchash vositalarini qiyoslash va kalibrlash fanini
o‘zlashtirishlari uchun o‘qitishning ilg‘or va zamonaviy usullaridan foydalanish,
yangi informatsion pedogogik texnologiyalarni tadbiq qilish muhim ahamiyatga
egadir. Fanni o‘zlashtirishda darslik, o‘quv va uslubiy qo‘llanmalar, ma’ruza
matnlari, tarqatma materiallar, elektron materiallar, virtual stendlar hamda ishchi
holatdagi
o‘lchov vositalarining ishlab chiqarishdagi namunalaridan
foydalaniladi. Ma’ruza, amaliy va laboratoriya darslarida mos ravishdagi ilg‘or
pedogogik texnologiyalardan foydalaniladi.
“O‘lchash vositalarini qiyoslash va kalibrlash” fanini o‘qitishda quyidagi asosiy
konseptual yondashuvlardan foydalaniladi:
SHaxsga yo‘naltirilgan ta’lim . Bu ta’lim o‘z mohiyatiga ko‘ra ta’lim
jarayonining barcha ishtirokchilarini to‘laqonli rivojlanishlarini ko‘zda tutadi.
Bu esa ta’lim jarayonida, malum bir ta’lim oluvchining shaxsini emas, avvalo,
kelgusidagi mutaxassislik faoliyati bilan bog‘liq o‘qish maqsadlaridan kelib
chiqqan holda yondashilishni nazarda tutadi.
Tizimli yondashuv . Ta’lim texnologiyasi tizimning barcha belgilarini o‘zida
mujassam etmog‘i lozim: jarayonning mantiqiyligi, uning barcha bo‘g‘inlarini
o‘zaro bog‘langanligi, yaxlitligi.
Faoliyatga yo‘naltirilgan yondashuv . SHaxsning jarayonli sifatlarini
shakllantirishga, talabaning faoliyatini aktivlashtirish va intensivlashtirish, o‘quv
jarayonida uning barcha qobiliyati va imkoniyatlari, tashabbuskorligini ochishga
yo‘naltirilgan ta’limni ifodalaydi.
Dialogik yondashuv . Bu yondashuv o‘quv munosabatlarini yaratish zaruriyatini
bildiradi. Uning natijasida shaxsning o‘z-o‘zini faollashtirishi va o‘z-o‘zini
ko‘rsata olishi kabi ijodiy faoliyati kuchayadi.
