Tinglovchi:
Ta’lim-tarbiya jarayonida kvalimetriya metodlaridan o‘z o‘rnida samarali foydalanish;
Pedagogik jarayonni nazorat qilish va baholashda foydalaniladigan kvalimetriya metodlarining o‘ziga xos xususiyatlarini e’tiborga olgan holda o‘z o‘rnida samarali foydalanish;
O‘qitishda standart va nostandart testlardan foydalanish, test topshirig‘ining tarkibi, mazmuni va samaradorligiga qo‘yiladigan talablar asosida o‘z sohasi bo‘yicha reproduktiv, produktiv, qisman-izlanishli va ijodiy test topshiriqlarini tuza olish
Tahsil oluvchilarlarning bilimlarini nazorat qilish va baholashning samarali yo‘llari sifatida nostandart test topshiriqlarini qo‘llash, shu asnoda reyting tizimini amalga oshirishda ko‘nikma va malakalarini egallashi;
Tinglovchi:
Baholashning samarali yo‘llari sifatida standart va nostandart test topshiriqlarini qo‘llash kompetenstiyalarini egallashi lozim.
Modulni tashkil etish va o‘tkazish bo‘yicha tavsiyalar
“Pedagogik kvalimetriya” kursi ma’ruza va amaliy mashg‘ulotlar shaklida olib boriladi.
Kursni o‘qitish jarayonida ta’limning zamonaviy metodlari, pedagogik texnologiyalar va axborot-kommunikastiya texnologiyalari qo‘llanilishi nazarda tutilgan:
ma’ruza darslarida zamonaviy kompyuter texnologiyalari yordamida prezentastion va elektron-didaktik texnologiyalardan;
o‘tkaziladigan amaliy mashg‘ulotlarda texnik vositalardan, ekspress- so‘rovlar, test so‘rovlari, aqliy hujum, guruhli fikrlash, kichik guruhlar bilan ishlash, kollokvium o‘tkazish, va boshqa interaktiv ta’lim usullarini qo‘llash nazarda tutiladi.
“Pedagogik kvalimetriya” modulining o‘quv rejadagi boshqa fanlar bilan bog‘liqligi va uzviyligi
Modul mazmuni o‘quv rejadagi barcha kurslar bilan bevosita va bilvosita bog‘liq, ya’ni “O‘zbekiston Respublikasi Prezidentining asarlarida jamiyat rivoji va ta’lim-tarbiya masalalari”, “Ta’lim-tarbiya jarayonlarini tashkil etishning qonunchilik normalari”, “Innovastion ta’lim texnologiyalari va pedagogik kompetentlik”, “Ta’limda ilg‘or orijiy tajribalar”, “Elektron pedagogika asoslari va pedagogning shaxsiy, kasbiy axborot maydonini loyihalash”, “Virtual ta’lim texnologiyasi”, “Oliy ta’lim jarayonini boshqarishda tizimli taxlil va qaror qabul qilish texnologiyalari” o‘quv modullari bilan uzviy bog‘langan.
Ushbu dasturda ta’lim-tarbiya jarayonining samaradorligini aniqlashda pedagogik kvalimetriya metodlaridan foydalanish orqali o‘qitishni takomillashtirish, samaradorlikni orttirishga imkon beradigan test topshiriqlarini maqsadga muvofiq tuzish va amalda qo‘llash foydalanish masalalari qamrab olindi. Mazkur kurs mashg‘ulotlarini hamkorlikda o‘qitish, modulli ta’lim va axborot texnologiyalaridan foydalanib o‘tkazish ko‘zda tutildi.
Dostları ilə paylaş: | 
