Kafedra mudiri prof. I.K.Mirzayev Fanning o‘quv dasturi SamDU Filologiya fakulteti ilmiy va o‘quv-uslubiy kengashida ko‘rib chiqilgan va foydalanishga tavsiya etilgan.
(2019-yil ________________ __-sonli majlis bayonnomasi)
Fakultet kengash raisi prof.J.D.Eltazarov
Fakultet o`quv-uslubiy
kengash raisi prof.M.Abdiyev
Kelishildi:
O‘quv-uslubiy boshqarma boshlig‘i dots.B.Aliqulov
Fanning dolzarbligi Mamlakatimiz ijtimoiy-ma’naviy hayotining barcha sohalarida bo‘lganidek, ta’lim tizimida ham keng qamrovli islohotlar yo‘lga qo‘yildiki, bunda ta’lim-tarbiya tizimiga, oliy ta’limning o‘quv-tarbiya jarayoniga axborot texnologiyalarini olib kirish orqali ta’lim sifatini uzluksiz ravishda takomillashtirib borish, samaradorligini ortirish talab etilmoqda.
O‘zbekiston Respublikasi Birinchi Prezidenti I.A.Karimovning 2016-yil 13-maydagi “Alisher Navoiy nomidagi Toshkent davlat o‘zbek tili va adabiyoti universitetini tashkil etish to‘g‘risida”gi Farmoni o‘zbek tili va adabiyoti o‘qituvchilari oldiga “zamonaviy ta’lim texnologiyalarini chuqur o‘zlashtirgan, davr talablariga javob beradigan yuksak malakali ilmiy va pedagog kadrlar tayyorlash, umumta’lim maktablari, akademik litsey va kasb-hunar kollejlari, oliy ta’lim muassasalarida o‘zbek tili va adabiyoti fanini o‘qitishning yangi va samarali metodlari bo‘yicha ilmiy izlanishlar olib borish, ilg‘or pedagogik texnologiyalarni keng joriy etish” borasida ulkan vazifalarni qo‘ydi. “O‘zbek tili va adabiyoti ta’limida zamonaviy axborot texnologiyalari” fani bo‘yicha tuzilgan mazkur dastur o‘zbek tili va adabiyotini o‘qitishda qo‘llanilishi mumkin bo‘lgan axborot-kommunikatsiya texnologiyalari, ulardan foydalanish metodikasi haqida ma’lumot beriladi.
Fanning o‘quv rejasidagi boshqa fanlar bilan o‘zaro bog‘liqligi va
uslubiy jihatdan uzviyligi “O‘zbek tili va adabiyoti ta’limida zamonaviy axborot texnologiyalari” fani 1-semestrda o‘qitiladi. Dasturni amalga oshirish o‘quv rejasida rejalashtirilgan ”Umumiy pedagogika”, “Dasturlash asoslari va axborot texnologiyalari”, “O‘zbek tili va adabiyoti ta’limida zamonaviy pedagogik texnologiyalar” hamda “Mutaxassislik fanlarini o‘qitish metodikasi”, “O‘zbek tili va adabiyotini o‘qitish metodikasi” kabi fanlar bilan bog‘liqdir.
