Fanning o‘quv rejasidagi boshqa fanlar bilan o‘zaro bog’liqligi, uslubiy jihatdan uzviyligi va ketma-ketligi Fan o‘quv rejasidagi o‘zaro bog’liq barcha ishlar psixologiya, pedagogika, hozirgi zamon o‘zbek adabiy tili va adabiyoti bilan jips bog’lanishi kerak.
Fanning ta’limdagi o‘rni Ona tili va adabiyoti o‘qitish metodikasi fani pedagogik fanlardan biri bo‘lib, yuqori sinflarda ona tili va adabiyotini zamonaviy pedagogik va axborot texnologiyalari asosida o‘qitish usullarini yoritib beradi. O‘quvchilarning ona tili va adabiyotining muhim nazariy qoidalari tizimini o‘zlashtirishlarini, savodli adabiy nutqqa, yozishga oid ko‘nikma va malakalarni egallashlarini ta’minlaydi.
Metodika fanini o‘rganish tinglovchilarni umumta’lim maktab o‘quvchilarini o‘qitish va tarbiyalashga doir masalalarni mustaqil va ongli xal etishga tayyorlash, shuningdek, ta’lim va tarbiya nazariyasi va amaliyotni mustaqil o‘rganishni davom ettirish uchun, yangi nashr etilgan metodik adabiyotlarni o‘qish uchun, yozish tajribasini tarkibiy baholash va umumlashtirish uchun zarur bo‘lgan ko‘nikmalar bilan qurollantiradi.
Fanni o‘qitishda foydalaniladigan zamonaviy axborot va pedagogik texnologiyalar Ona tili va adabiyoti o‘qitish metodikasi fani o‘quvchida darsliklar, o‘quv-uslubiy qo‘llanmalar, ma’ruza matnlari, elektron materiallardan foydalanish, zamonaviy axborot va pedagogik texnologiyalarni qo‘llash, interfaol usullarni, ta’limiy vositalarni ta’lim jarayoniga tatbiq etish muhim ta’limiy ahamiyatga ega.
