Amir Temur – to‘liq ismi Amir Temur ibn Amir Tarag‘ay ibn Amir Barqul. 1336-yil 9-aprel Kesh viloyati, Xo‘jailg‘or qishlog‘i (hozirgi Qashqadaryo viloyati Yakkabog‘ tumani)da Amir Tarag‘ay xonadonida tug‘ilgan. Onasining ismi Takina Begim 1405-yil 18-fevralda O‘tror (hozirgi Qizilo‘rda,Qozog‘iston) shahrida Xitoyga yurishi vaqtida vafot etgan.
Jaloliddin Manguberdi – 1298-1231-yillarda yashagan. 1221-yilda otasi Alouddin Muhammad Xorazmshoh uni taxt vorisi deb e’lon qiladi. 1221-1231-yillarda Chingizxon va mo‘g‘ullarga qarshi mardonavor kurash olib borgan Xorazmshohlar sulolasining so‘nggi hukmdori.
Muhammad ibn Ismoil Imom al-Buxoriy – 810-yil Buxoroda dunyoga kelgan va 870-yilda Samarqandning Xartang qishlog‘ida vafot etgan. Musulmon olamida “Qur’oni Karim”dan so‘ng turuvchi muqaddas kitob “Sahih ul-Buxoriy” yoki “Al-jom’e as-sahih” nomli 7275 ta sahih hadislar yozilgan kitob muallifi. Bundan tashqari “Al-adab al-mufrad”, “Kitob at-tarix” nomli asarlar ham yozgan.
Muhammad Muso al-Xorazmiy–783-850-yillarda yashagan. Xorazmda tug‘ilgan. Al- Xorazmiy xalifa Ma’mun (813-833) davrida Bag‘dodda tashkil etilgan. “Ma’mun akademiyasi”da yetakchi olim va ilmiy rahbar bo‘lib ishlagan. U 20 dan ortiq asar yozgan va bizgacha 10 tasi yetib kelgan. Matematika faniga oid “Al-jabr val muqobala” nomli asari mashhur. Algebra atamasi “Al-jabr” so‘zidan olingan.
Ahmad al-Farg‘oniy– 797-865-yillarda yashagan.Farg‘ona vodiysining Quva shahrida tug‘ilgan. Yevropada Alfraganus nomi bilan mashhur. Al-Farg‘oniyning sakkizta asari saqlanib qolgan. Astronomiyaga oid eng mashhur asari “Samoviy harakatlar va umumiy ilmi nujum” deb nomlanadi. Misrda Nil daryosining suv sathini o‘lchash uchun Nilometr yasagan.
