Mamlakatning geografik joylashuvi: O‘zbekiston Respublikasi Amudaryo va Sirdaryo oralig‘ida joylashgan bo‘lib, maydoni 448,9 ming km kv. Respublika chegarasi g‘arbdan sharqqa 1425 km, shimoldan janubga qadar 930 km.
Respublika shimolda Qozog‘iston, sharqda va janubiy-sharqda Qirg‘iziston va Tojikiston, janubiy-g‘arbda Turkmaniston, janubda esa Afg‘oniston bilan chegaradosh.
Yer maydoni – 448,9 ming km.kv
Poytaxti – Toshkent shahri
Aholisi – 36 mln 599 ming 764 kishi (2023-yil 1-oktyabr holatiga ko‘ra)
Viloyatlari – 12 ta va Qoraqalpog‘iston Respublikasi
Tumanlari – 170 ta
Shahar va shaharchalari – 223 ta
Farg‘ona tumani 1964-yilda tashkil topgan. Tuman markazi - Vodil shaharchasi. Farg‘ona tumani Farg‘ona viloyatining sharqiy qismida joylashgan bo‘lib, Oltiariq tumani, Quvasoy, Farg‘ona shaharlari hamda Qirg‘iziston Respublikasi bilan chegaradosh. Umumiy yer maydoni 620 kv.km.ni tashkil qiladi.
O‘zbekiston Respublikasi 1991-yil 31-avgustda mustaqillikka erishgan,1-sentyabr – Mustaqillik kuni, umumxalq bayrami deb e’lon qilingan. O‘zbekiston Respublikasi Davlat tili – o‘zbek tili. 1989-yil 21-oktyabrda o‘zbek tiliga Davlat tili maqomi berilgan.
