O’simliklar fiziologiyasi

Tekshiriluvchi obyekt	Og‘irligi, g
Hajmi, sm^3
Quruq holati	Suvda turgandan sо‘ng	farqi	Quruq holati	Suvda turgandan sо‘ng	farqi
Nо‘xat
Makkajо‘xori
Agar-agar
G‘isht kubikchasi

Nazorat uchun savollar.
1. Urug‘ qanday qismlardan tuzilgan?
2. Urug‘ tarkibidagi zahira moddalarga nimalar kiradi?
3. Urug‘ning bо‘rtishi deganda nimani tushunasiz?


2-AMALIY MASHG‘ULOT
Turli konsentratsiyali eritmalarning urug‘larning unuvchanligiga ta’siri


Darsning maqsadi: Talabalarni turli konsentratsiyali eritmalarning o‘simlik urug‘larning unuvchanligiga ta’sirini aniqlash uslubi bilan tanishtirish.
Umumiy ma’lumot: Turli muhitda yoki turli konsentratsiyali eritmalarda urug‘larning unuvchanligi va o‘simlikning o‘sish jadalligi oshishi yoki pasayishi mumkin. Gibberellinga solib bir necha soat ushlab turilgan urug‘larning unish jadalligi va unuvchanligi oshishi kuzatilgan. Konsentrlangan sulfat kislotasi ta’sir ettirilib, undirilgan urug‘larning unuvchanligi oshirganligi aniqlangan. Ko‘p sho‘r bo‘lgan muhitda esa urug‘larning unuvchanligi va o‘simlikning o‘sish jadalligi pasaygan. Quyidagi usulda sho‘rga chidamligini aniqlashda chidamlilik ko‘rsatkichi – distillangan suvda unib o‘sgan urug‘larga nisbatan tuz eritmalarida unib o‘sgan urug‘lar miqdori hisoblanadi.
Kerakli asbob va reaktivlar: har xil o‘simliklar urug‘lari, gibberellin eritmasi, konsentrlangan H₂SO₄, turli konsentratsiyali NaCI, Petri kosachasi, doka xaltacha, filtr qog‘oz, buyum oyna, termostat.
Ishni bajarish tartibi: Yaxshi urug‘lar tanlanadi. Petri kosachasi va filtr qog‘oz 1 soat davomida 105⁰S termostatda qizdiriladi. Har bir tur va nav urug‘i doka xaltachada etiketka bilan har biri alohida eritma (gibberellin, formalin, H₂SO₄) lar bilan ishlanadi (300 ml suvga 1 ml, 3–5 daqiqa davomida). Keyin ozgina quritib har bir Petri kosachasiga 20–25 donadan urug‘ qo‘yiladi. Petri kosachasi tubiga filtr qog‘oz (filtr qog‘oz tagiga buyum oynasi qo‘yish yaxshi natija beradi) qo‘yilib, kerakli miqdorda suv va turli konsentratsiyali tuz eritmasi quyiladi. Nazorat uchun esa ishlov berilmagan urug‘larga distillangan suv quyiladi.
Har bir variantda 2 ta kosacha bo‘lishi kerak. Urug‘lar Petri kosachalarida o‘stirish uchun termostatga qo‘yiladi. Termostat tubiga suv bilan kyuvetka qo‘yiladi. Ungandan keyin har bir variantda unib chiqqan urug‘lar soni sanaladi.
2– jadval