O‘zbek filologiyasi fakulteti
Yüklə 0,86 Mb. Pdf görüntüsü
|
|
Sadoyi Turkiston
Dilimning orzuyu muddaosi, Edi doim bu “Turkiston sadosi”. Hazoron shukrkim, chiqdi quyoshdek, Jahonni aylabon ravshan ziyosi. Muning nashriga qilsam kamlik etgay, Nisori molimu jonim fidosi. Yozilg‘on sо‘zlari har qaysi durdin, Ziyodlik aylagay duru bahosi... Olibon jonu dil birla о‘qunglar, Bu Turkiston faqiru ag‘niyosi. Rivojg‘a qilinglar yordam endi, Bu kun, ey jumla insonlar sarosi. Jaholat dardini beshak bilanglar, 39 Davosi bu, davosi bu, davosi! Karam aylab vale isloh etinglar, Agar Xislat sо‘zinr bо‘lsa xatosi. Xirad piri, miyoni millat ila, Dedi: ta’rix “Turkiston sadosi”. Bu she’r xususida Xislat haqidagi xotira muallifi Mо‘minjon Toshqin shunday yozadi: “Shoir Xislat revolyusiyadan burungi matbuotda ham qatnashib, hammadan orqada qolg‘on va nodonlik dengiziga g‘о‘ta urgan bizning о‘zbek xalqini ilmu maorif, madaniyatga targ‘ib qilib she’rlar yozar edi. Shu jumladan, mazkur she’r Toshkentda ikki yilgacha davom etgan “Sadoyi Turkiston” gazetasining 1914 nchi yil 21 aprel 6 nchi sonida bosilib chiqqan tarixiy bir she’r...” bо‘lib, unda Xislatning “Sadoyi Turkiston” gazetasining nashr etilishiga munosabati о‘z ifodasini topgandir. E’tiborlisi shundaki, Xislat iste’dodining uch qirrasi namoyon bо‘lgan. Avvalambor, bu she’r Turkiston zaminida milliy uyg‘onish harkati eng kuchaygan bir davrda yaratilgan bо‘lib, Xislatning ham bu harakatdan chetda turmaganligini bildirsa, ikkichidan, Xislatning о‘sha yillardayoq milliy adabiyotimizning nozik janri bо‘lmish g‘azal bitishda yetuk mahorat sohibi bо‘lganini kо‘rsatadi. Va, nihoyat, о‘sha davrlardayoq Xislatning ta’rix yaratish san’atidan yaxshigina xabardor bо‘lganini namoyon qiladi. Haqiqatan ham, Xislat bu she’rda chuqur ma’noli gо‘zal bir ta’rix yaratgan. G‘azalning sо‘nggi bayti ta’rixni yechishga asos bо‘ladi: Xirad piri, miyoni millat ila, Dedi: ta’rix “Turkiston sadosi”. Bu yerda “Turkiston sadosi” jumlasi ta’rix moddasi (jumal) bо‘lib, abjad hisobi bо‘yicha miqdori quyidagicha belgilanadi: ىسادص ناتسکروت – “te”-400, “vov”-6, “re”-200, “kof”-20, “sin”-60, “te”-400, “alif”-1, “nun”-50, “sod”-90, “dol”4, “alif”-1, “sin”-60, “yo”-10 ga teng. Bu sonlarning umumiy adadi 1302 40 dan iborat. Hijriy yil hisobidagi bu sanani milodiyga aylantirsak, 1884 yilga tо‘g‘ri keladi. Bu esa, “Sadoyi Turkiston” gazetasining nashr etila boshlangan yili emas. Bunga oydinlik kiritish uchun birinchi misraga yuzlanamiz. Xirad piri “Turkiston sadosi”dan “miyoni millat” (millatning о‘rtasi) bilan ta’rix chiqadi, demoqda. Bu ishoraga binoan “millat” sо‘zining miyoni(ya’ni о‘rtasi) “lom”(ل) harfining qiymati 30 ni yuqoridagi yig‘indi – 1302 ga qо‘shsak, 1332 sanasi kelib chiqadi. Bu esa milodiy yil hisobi bо‘yicha, “Sadoyi Turkiston” gazetasi nashr etila boshlangan 1914 yilga tо‘g‘ri keladi. Ta’rixnavislik nazariyasiga kо‘ra, kо‘p hollarda biror shaxsning tug‘ilishi, imoratning barpo etilishi, biror nashrning chiqa boshlashi, umuman, yaralish, paydo bо‘lish bilan bog‘liq ta’rixlarda ta’rix moddasi kо‘zda tutilgan qiymatdan kam chiqadi. Buning yechimini topishda esa, asosan, muallif ishorasiga tayaniladi. Shoir biror harf yoki sо‘zning abjad hisobi bо‘yicha yig‘indisini ta’rix moddasi yig‘indisiga qо‘shish kerakligi ishora qiladi. Masalan, biror sо‘zning “yuzi”, “boshi” bо‘lsa birinchi harf, “miyoni” о‘rtadagi harf va hokazo. Bunda о‘ziga xos mantiq bor. Ya’niki paydo bо‘lgan shaxs, narsa, imoratning umri uzoq bо‘lsin, umriga umr qо‘shilsin degan mazmun bо‘ladi. Shu о‘rinda yana bir jihatni ta’kidlash lozim. Muallif ta’rix moddasi uchun ham, qо‘shimcha sо‘z uchun ham qalamga olingan voqelikka bog‘liq bо‘lgan sо‘z yoki jumlani topa olishi kerak. Xislatning ta’rixnavislikdagi mahorati shundaki, u bunga erisha olgan: ta’rix moddasi uchun asosning tarjimasi – “Turkiston sadosi”, qо‘shimcha uchun “millat”ning о‘rtasi “l”ning qiymati 30. Bu о‘rinda Xislatning badiiy mahoratiga tan berish kerak. Negaki, shoir aynan badiiy niyat uchun xizmat qiluvchi “millat” qо‘llagan. Mazmuni: Xirad (aql) piri “Turkiston sadosi” (“Sadoyi Turkiston”) millat о‘rtasida (millat sо‘zi emas) yoyilishi tarix bо‘ladi, dedi. Shakl va mazmunning bu darajada uyg‘unligi shoirning yuksak badiiy salohiyatidan darak beradi. 41 Xislatning о‘z davrida rо‘y bergan voqealarni qalamga olganligini toshkentlik Ahmad polvonga bag‘ishlanib, bevosita xalq dostonlari uslubida yozilgan “Qissai kurash az Xislat” nomli 64 misrali masnaviysida kо‘rish mumkin. Xislat о‘zining ilk ijodidan boshlaboq badiiy asar tilini xalq jonli sо‘zlashuv tiliga mos va yaqin bо‘lishi kerakligini tushunib, о‘z she’rlarini keng ommaga tushunarli qilib yaratdi. Shuning uchun ham uning yozgan asarlari xalqqa tushunarli, sodda, ravon, shu bilan birga xalq kuylariga juda yaqin turadi. Shu о‘rinda tahlil uchun she’r matni keltirishni lozim topdik. Yüklə 0,86 Mb. Dostları ilə paylaş:
|