ishlab chiqarishga jalb etilgan. O’zbekistonda to’rt ming tonnadan ortiqroq katta zahiraga ega bo’lgan 3 ta uran koni
aniqlangan. Respublikada zaxirasi 2 trilion metr kub gaz, 2 milliard tonna ko’mir, ko’p
miqdordagi mis konlari topilgan.
Hozirgi davrga kelib aniqlangan milliy boylik manbalari ishlab chiqarish korxonalarini uzoq
muddat davomida oltin, mis, tabiiy gaz, qo’rg’oshin, rux, ko’mir va boshqa mahsulotlar bilan
ta’minlabgina qolmay, ishlab chiqarishni kengaytirish imkonini ham berayapti.
O’zbekistonning yer osti boyliklari paxta dalalarining hosildorligini oshirishga muhim hissa
qo’shadi. Turon yonuvchi slanetslaridan mahalliy slanets konlari bazasida o’g’it sifatida
ishlatiladigan va paxta hosildorligini oshirishning muhim omili bo’lgan smola olish masalasi hal
qilingan. Ko’p miqdorda yangi qurilish materiallari, masalan, keramzit ishlab chiqarish uchun kerak
bo’lgan betonitlar, Toshkent metropoliteni uchun zarur bezak toshlari va boshqalar ishlab
chiqarilishi tashkil qilingan.
Mamlakatimizda topilgan konlarning zahiralari nafaqat ichki ehtiyojlarni to’la qondirishga qodir,
balki energiya manbalarini tashqariga eksport qilish imkonini ham beradi.
O’zbekistonda bozor iqtisodiyoti talablariga javob bera oladigan baquvvat iqtisodiyoting asosi yaratildi. O’nlab yangi tarmoq va sohalarga asos solindi, ma’naviy va jismoniy jihatdan eskirib qolgan
minglab ishlab chiqarish korxonalari butunlay qaytadan zamonaviy, yuqori unumli texnika va
texnologiya bilan jihozlandi. Hamma sohada iqtisodiyotni liberalizatsiyalash va modernizatsiyalash
ketmoqda.
3.2. Milliy iqtisodiyotni rivojlantirish asoslari. Milliy boylik jamiyatning iqtisodiy kuch-quvvatini ko’rsatadi va iqtisodiy potentsialni
tashkil etadi. Jamiyatning ishlab chiqara bilish qobiliyati iqtisodiy potentsial deb ataladi. Bu
qobiliyat ishlab chiqarish resurslari miqdori va sifati bilan belgilanadi, yaratilgan mahsulotlar
va xizmatlar miqdori bilan ifoda etiladi. SHu sababli uning muhim ko’rsatkichi bo’lib- yalpi
