O‘zbekiston respublikasi ichki ishlar vazirligi a k a d e m I y a
Yüklə 5,01 Kb. Pdf görüntüsü
|
|
moliya huquqining asosiy uslubi
, ya’ni moliyaviy munosabatlar qatnashchilarining xulq-atvoriga ta’sir ko‘rsatish uslub va uslublari davlat-hokimiyat ko‘rsatmalari uslubi hisoblanadi. Ushbu uslubning qo‘llanishi jamiyatning muhim ijtimoiy va iqtisodiy vazifalarini amalga oshirish uchun kerak bo‘lgan tegishli davlat pul jamg‘armalarini tashkil etish zarurati bilan belgilanadi. Moliyaviy munosabatlarni huquqiy tartibga solishning faqat mazkur uslubi asosidagina pul mablag‘larining davlat tasarrufiga to‘liq va o‘z vaqtida kelib tushishi, ulardan qat’iy ravishda maqsadli foydalanish, davlat moliya intizomiga rioya etilishi ta’minlanishi mumkin. Moliya huquqi bilan tartibga solinadigan ijtimoiy munosabatlarga xos bo‘lgan davlat-hokimiyat ko‘rsatmalari mazmuni turlichadir. Davlat moliyaviy faoliyatini amalga oshiruvchi organlar xohish-irodasining bir tomonlamaligi va majburiyligi nafaqat moliya huquqi tomonidan belgilanadigan to‘g‘ridan-to‘g‘ri ko‘rsatmalar uchun, balki taqiqlar uchun ham xosdir. Ular, shuningdek, moliyaviy munosabatlar tomonlariga axloq qoidalarini mustaqil tanlash huquqini beradigan ruxsat berishga ham xos. Biroq ruxsat berilgan harakatlarni bajarish moliya huquqi normalari bilan belgilangan qat’iy umumiy qoida doirasida amalga oshirilishi shart. Bu ma’nodagi ruxsat berish bir tomonlama xususiyatdagi ko‘rsatmani go‘yoki to‘ldiradi, o‘ziga tegishli huquqlarni amalga oshirish to‘g‘risidagi masalani mustaqil hal etish huquqiga ega bo‘lgan tomon esa, yuridik jihatdan moliya huquqi umumiy qoidalariga bo‘ysunadi. Moliya huquqi ayrim hollarda bir tomonlama hujjatni qabul qilishdan oldin u yoki bu masalalarni birgalikda kelishish, muhokama etish va ko‘rib chiqish kerakligini nazarda tutadi. Moliyaviy faoliyatni amalga oshiruvchi organlarning ko‘rsatmalari ularni muvaffaqiyatli amalga oshirish uchun ko‘pincha tavsiyalar bilan birga beriladi. Boshqacha aytganda, moliyaviy-huquqiy tartibga solishning asosiy uslubi – davlat- hokimiyat ko‘rsatmalarining kelishish va tavsiyalar berish kabi uslub va uslublari bilan to‘ldirilishi mumkin. Shunday qilib, moliya huquqi predmeti bilan moliyaviy munosa- batlarni huquqiy tartibga solishning o‘ziga xos birlashuvi moliya huquqini huquqning mustaqil tarmog‘iga ajratish uchun barcha asoslarga egadir. Yüklə 5,01 Kb. Dostları ilə paylaş:
|