O‘zbekiston respublikasi oliy ta’lim, fan va innovatsiyalar vazirligi m irzo ulug‘bek nomidagi o‘zbekiston milliy universitetining jizzax filiali

II BOB. OILANING HAYOTIY SIKLI
2.1 Oilaviy hayotiy siklning bosqichlari
Oilaning hayotiy tarzi uning hayotiy sikli, tutimi bilan bog’liq. Ayrim olimlar, masalan, V.Satir zamonaviy oilaning bola tarbiyasi va uning manfaatlariga bog’liq ekanligidan kelib chiqib, bu maskandagi hayot maromi va tutimini bola rivojlanishining bosqichlari bilan bog’laydi. Shunga ko’ra, quyidagi bosqichlar farqlanadi:
1-bosqich. Aksariyat olimlar oiladagi hayot sikli ikki yoshning uzoq muddatga ahdu-paymon qilib nikohga kirishga qaror qilgan onlaridanoq boshlanishini ta’kidlaydilar. Boshqa mualliflarning fikricha, oilaning boshlang’ich nuqtasi ikki shaxs rasman nikohga kirgan vaqt, ko’pchilikning guvohligida o’tkazilgan tantanalar bilan izohlanadi.
2-bosqich. Ikki yoshning intim qovushishi oqibatida zurriyodning paydo bo’lishi.
Satirning fikricha, zurriyodning paydo bo’lishi, tug’ilishi er va xotinning asl munosabatlarini sinovdan o’tkazadi va ular o’ziga xos yangicha munosabatlar davrini boshdan kechira boshlaydilar. Bu davrga asosiy mazmun va ma’no beruvchi voqyea – bu er va xotinga yangi rollarning berilishi, anchagina katta ijtimoiy mas’uliyatni o’ziga qamrab olgan ota-onalik rollarining boshlanishidir.
Ko’plab xalqlarda, ayniqsa, o’zbeklarda bolaning dunyoga kelishi juda katta quvonchli marosimlar bilan boshlanib, ular qadriyat sifatida asrlar osha saqlab kelinmoqda. Masalan, bola tug’ilishi bilan bog’liq suyunchi marosimlari, aqiqa, beshik soldi, sunnat va beshik to’ylari kabilar shular jumlasidandir. Shunga qaramay, ayrim xalqlarda, masalan, yevropa xalqlarida oilada farzandning tug’ilishi muayyan tashvishlar, ruhiy tarangliklar, ayniqsa, ona boshidan kechiradigan emotsional hayajonlar, yaqinlariga ijtimoiy va moliyaviy tashvishlarni keltirib chiqaradiki, bu ham ba’zan oilaviy munosabatlardagi tarangliklarda aks etadi.
Oila va farzand oldidagi bunday mas’uliyatlar ayrim hollarda er-xotin munosabatlarining darz ketishiga, ba’zan ajrimlarga, bizning sharoitimizda quda-andachilik munosabatlaridagi kelishmovchiliklarga ham sabab bo’ladi.
3-bosqich. Bola oiladan tashqaridagi ijtimoiy institutlar – maktabgacha ta’lim muassasalari, ayniqsa, uzluksiz ta’limning boshlang’ich o’chog’i hisoblangan maktabga bora boshlaydi. Maktab shunday maskanki, u yerda har bir bolaning qay darajada va qanday ijtimoiylashgani sinovdan o’tadi. Chunki u endi nafaqat o’zi tengqur bolalar bilan, balki kattalar, begonalar, ko’chadagi turli toifali insonlar bilan muomalaga kirisha boshlaydi. Bu muomala jarayonida uning qanchalik hayotga tayyorligi, oilasida qanday ahloqiy va ma’naviy o’gitlarni olganligi, kimning bolasi ekanligi, oilaviy muhiti qandayligi bilina boshlaydi. Eng muhimi – maktabga kelgach, bolaning aqliy va intellektual salohiyati, intizomi tekshiruvdan o’tadi. Ya’ni, bolasini maktabga berar ekanlar, ota-onalar ham jamoatchilik oldida o’ziga xos sinov va tekshiruvdan o’tayotganday his qiladilar o’zlarini. Yaxshi yoki yomon ota-onalik rollari maktab yillarining dastlabki oy va yillarida bilingani sababli, ko’pgina ota-onalar ayni shu davrlarda kuchli stressni boshidan kechiradilar.
4-bosqich. Bola o’smirlik davriga qadam bosganda, u ota-onasidan mustaqillikni, hadeb ta’qib qilavermaslikni da’vo qila boshlaydi. Ota-onaning farzand oldidagi obro’si, kerakligi darajasi pastlay boshlaydi. Bu davrga kelib ota ham, ona ham o’zining farzandiga nisbatan munosabatlarini o’zgartirishga majbur bo’ladi, chunki bolada yangicha talab va istaklar, yangicha fikrlash, urf-odatlar, musiqaga havas, turli xil guruhlar bilan muloqotda bo’lishga intilishlar paydo bo’ladi. Bu davr ota-onaning bolasida paydo bo’layotgan o’zgarishlarga, yoshga oid yangiliklarga qanchalik fahm va farosat bilan, sabr-qanoat bilan turib berishlarini sinovdan o’tkazadi. Sinovdan yaxshi o’tgan ota-onaning bolasi keyingi bosqichga eson-omon yaxshilik bilan, ochiq ziddiyatlarsiz o’tib oladi, aks holda o’smirlik davrining o’ziga xos ziddiyatlari girdobida ota-ona – bola munosabatlari jiddiy yomonlashadi, ayrim bolalar uydan ketib qolish holatlarigacha boradi.
5-bosqich. Bolalar katta bo’lib, balog’at yoshiga yetadilar, o’qishlarni tugatib, mustaqil kasb-hunar egallash bosqichiga qadam bosganda, ayrim yoshlar mustaqil oilaviy hayot qurishga ham ulguradilar. Shu davrga kelib, “Bola – ota-ona” munosabatlari deyarli tugaydi. Ayniqsa, bu holat yevropa xalqlariga mos, balog’at yoshiga yetgach, deyarli barcha hayotiy masalalarni yoshlar o’zlaricha, o’z bilganlaricha xal qila boshlaydilar. Ota-onalar ularning xato qilib qo’yishlaridan xavotir olmay qo’yadi. Bizda, Sharq xalqlarida bu holat biroz boshqacha: ota-ona farzandi kasb-hunarli bo’lib, mustaqil professional yo’ldan ketayotgan bo’lsa ham, ularning kelajagi, oilasi, moliyaviy ahvoli borasida xavotirga tushaveradi, o’g’il uylanishi, qizlarning turmush chiqishlarida ota-ona va ularning ota-onalari – momolar va buvalar bosh-qosh bo’ladilar. Turmush o’rtog’i tanlash masalasi ham bizda juda kam holatlarda bo’yiga yetgan qiz yoki yigit ixtiyoriga havola etiladi. Ya’ni, ko’chadan birdan notanish qizni “Tanishing, bu mening bo’lg’usi qallig’im, turmush o’rtog’im” deyishlar bizda deyarli uchramaydi, chunki bunga bizning asriy urf-odatlarimiz, oilaviy tarbiya mezonlarimiz yo’l qo’ymaydi.
Ayrim bo’linmagan oilalarda o’g’il uylangandan keyin ham, qiz farzandlibo’lganda ham ota-onalar ularning g’amini yeb, hayotda qoqilmasliklari uchun harakat qilaveradi. Hattoki, mamlakatimizning deyarli barcha hududlarida shunday odatlar borki, ona ko’zi yorigan qizining oziq-ovqati, yemishi uchun to’la o’zini javobgar, deb hisoblaydi. Chunki bunga ikki sabab bor: birinchisi – yangi ko’zi yorigan ayol organizmida shunday yangilanish ro’y beradiki, uni o’ziga keltirish uchun aynan yillar mobaynida o’z oilasida yegan-ichganlari adaptasiya jarayonlarini tezlashtiradi; ikkinchidan – o’z onasining mehribonlik ko’rsatayotganligi yosh onaning yaqinda boshidan kechirgan –iyinchiliklarini unutish, o’zini chinakam ona sifatida onasiday his qilishini ta’minlaydi. Ushbu psixologik holat o’ta muhim bo’lib, aynan o’zbeklarda bu oila mustahkamligining omillaridan hisoblanadi.
Qaynona ham ona, u ham keliniga achinadi, tug’ruqning azoblarini unutishi uchun qo’lidan kelganini qiladi, lekin o’z tuqqan onasining xabar olishi, yonida bo’lishi ko’plab kuzatishlarda yosh onaning onalik roliga tezroq kirib ketishiga, ko’krak suti bilan bolasini emizib katta qilishida katta rol o’ynaydi. Shuni ham ta’kidlash joizki, ayrim hollarda ota-onaning yoshlar hayotiga aralashuvi shu qadar bevosita xarakterli bo’ladiki, bu yoshlar bilan ota-onalaro’rtasidagi nizolarga ham sabab bo’ladi, qaynona va kelin, qaynota va kuyov o’rtassida nizolar ham ana shunday aralashuvning ko’pligidan kelib chiqadi. Ya’ni, ota-onaning farzandi balog’at yoshiga yetib, mustaqil hayotga qadam qo’ygandagi aralashuvlari, g’amxo’rliklari ham ijobiy, ham salbiy oqibatlarni olib kelishi mumkin.
Farzandlarning mustaqil iqtisodiy maqomga ega bo’lishlari, o’z oilasiga egabo’lishi ota va onaga boshqa yana qo’shimcha rollarni bajarishni taqozo etadi – kelin,kuyov, qaynona, qaynota va boshqalar Bundan tashqari, yangi paydo bo’lgan yosh oilaning qarindosh-urug’lari o’rtasidagi munosabatlar, masalan, quda-andachilik munosabatlari ham yosh oila va uning ota-onalari maqomlarining o’zgarishiga olib keladi. Masalan, “endi qudalikmiz”, “kuyovim bor”, “buvi yoki buva bo’ldim” kabi e’tiroflar shaxs ongida va xulqida jiddiy o’zgarishlarni keltirib chiqaradi. Ayrim ayollar ayni shu daqiqalardan boshlab, tashqi ko’rinishidan tortib, hayot tarzida ham jiddiy o’zgarishlarni boshlaydi, masalan, tez-tez ichadigan ota bu salbiy qilig’ini tashlaydi, chunki kelindan uyaladi; namoz o’qimaydigan ona quda-andalar oldida uyalaman deb, namoz o’qishga kirishadi, mahalla-kuyga ko’proq aralashadigan bo’lib qoladi.
6-bosqich. Keksalikning dastlabki belgilari – tanada keksalik alomatlari, klimakterik holatlarning kelib chiqishi bosqichida inson qalbi qarimasada, ayrim jismoniy kuvvatsizliklar paydo bo’ladi. Odam nafaqaga chiqadi, suygan kasbi, mashg’ulotidan uzoqlashadi, do’stlari davrasi torayadi va h-zo. Lekin keksalikni tan olish va unga ruhan tayyor bo’lish, etnik madaniyat va uning qadriyatlariga bog’liq.
Xalq ma’naviyati va madaniyati qanchalik yuqori bo’lsa, keksalikka munosabat ham shunchalik yuqori bo’ladi. Masalan, bizning etnik-madaniy muhitimizda keksalik va qariyalik hamisha e’zozlanib kelingan, masalan, birinchi Prezidentimiz Islom Karimov tashabbusi bilan 2002 yil “Qariyalarni qadrlash yili” deb e’lon qilindi, barcha keksalar bizda qarilik gashtini surish uchun belgilangan tartibda nafaqalar oladi, bayram,to’y-hashamlar va tadbirlarda keksalarni davralarning to’riga o’tqazish, ularga izzat-ehtirom qilish xalqimizning odatiy an’analaridandir. Shu bois bo’lsa kerak, o’zbekistonliklar keksalikni ham hayotning o’ziga xos davri sifatida mamnuniyat bilan kutib oladigan xalqdir. Ruslardagi “Starost ne radost” iborasining tagida ham o’ziga xos ma’no borki, ayrim yevropa xalqlarida keksalar nafaqaga chiqqanlaridan keyin o’zlarini hyech kimga kerak emasday his eta boshlaydigan, ular uchun umrning oxirgi davrlari keskin salbiy o’zgarishlarni keltirib chiqaradi, farzandlari esa o’z hayot tashvishlari bilan ba’zan ota-onalarni ham unutib qo’yadilar. Qariyalar uylarining paydo bo’lishi ham ko’p holatlarda aynan shunday o’zaro munosabatlarning oqibatidir.
7-bosqich. Oilaviy siklning tugashi odatda turmush o’rtoqlardan birining o’limi bilan boshlanadi. Er-xotinlarning tirik qolgani beva bo’lib qolishi munosabati bilan u ham yangicha rollar tizimiga kiradi. Musulmonchilikda chol yoki kampir beva qolsa,uni ikkinchi nikohga da’vat qilish, taklif etish an’ana, farzandlar uchun farz hisoblanadi. Ayniqsa, erkak kishi beva bo’lib qolganda, farzandlarning biror kampirga yoki o’rta yoshli juvonga uylanishini taklif etishi farz sanaladi. Bu Islom dini qadriyatlariga ham mos keladi.
Yuqorida sanab o’tilgan hayotiy tutimlar oila a’zolari har birining xulq-atvorida, dunyoqarashi va odatlarida muayyan o’zgarishlarning kuzatilishiga, yangicha roller o’zlashtirilishiga olib keladi. Har bir yangi bosqich shaxs ongida muayyan krizislar, ziddiyatlar bilan kechadiki, ularni yengish, qiyinchiliklardan yaxshilik bilan o’tish insondagi yaxshi fazilatlarga, tarbiyalanganlik darajasiga, sabr-qanoatiga bog’liqdir. Har bir bosqichda ota, ona va farzandlar, kuyov-kelinlar bilan o’zgacha munosabatlar tizimi shakllanadi. Masalan, bo’linmagan katta oilada oila boshlig’i – otaning qazo qilishi to’ng’ich farzandlar yelkasiga katta mas’uliyatni yuklaydi. Uning oilaviy o’zaro munosabatlar tizimida o’rni keskin ravishda o’zgaradi.
Agar turli hayot bosqichlarida oilaviy turmush tarzining o’zgarishinini inobatga olsak, oilaviy nizolar yoki ziddiyatlar shu muayyan ma’noda tabiiy bo’lib, uni har bir normal oila boshdan kechiradi. Shu bois ham o’zbekchilikda “ro’zg’or”, “turmush” deyilib, momolarimiz “g’or tub qo’yibdi”, “mush deb qo’yibdi”, deya oilaviy hayotning o’ziga xos murakkabliklari borgigiga ishora qiladilar. Bunday zidddiyatlar oilaviy rollar ko’payganda, farzand tug’ilganda, qudalar bilan munosabatlar boshlanganda, ayriliq ro’y bergan bosqichlarda ayniqsa sezilarli bo’ladi. Lekin ahil va mustahkam oilada bu ziddiyatlar deyarli asoratlarsiz, yengillik bilan o’tib ketadi. Muammoli oilalarda esa oilaning kattalari ularni yengish malakasi va tajribasiga ega bo’lmay, boshqalarga sezdirib qo’yadi, ba’zan oilaning ichidagi gap-so’zlar mahallaga, uzoq va yaqin qarindoshlargacha yetib boradi. Tashqaridan bo’lgan aralashuvlar ba’zan oilaning maromini tiklasa, ba’zan,aksincha, uning xalovatini buzadi, muammolar chalkashib ketadi. Bu vertical ziddiyatlar, ya’ni, oilaviy nizolarga tashqaridan ota-ona va boshqa qarindoshlarning aralashuvi tarzida kechadi.
Ba’zan, kattalarning orzu-havaslari deb, yoshlar o’zlariga ma’qul bo’lmagan hayot tarzini boshdan kechirishga majbur qilinadilar ham. Masalan, yosh oila alohida uyda mustaqil yashashni xohlaydi, lekin qaynona ularni yonida, uning tazyiqi ostida yashashga majbur qiladi, yoki er-xotin farzandlari bilan birga alohida yashashni istaydi, kattalar esa ularning farzandlaridan birini shaharning boshqa bir chetida yoki boshqa shaharda yashashini talab qiladi. Momolar tarbiya tarzidan norozi bo’lmagan kelin-kuyov va ularning ota-onalari o’rtasida nizo kelib chiqishi mumkin.
Bundan tashqari, ota-onalardan biri nogiron yoki uzoq muddatli xastalikka chalingan paytlarda ham yosh oiladagilarning ayrimlarida surunkali taranglik tufayli ichki va ochiq nizolar paydo bo’lishi mumkin. Bu kabi mayda-chuyda muammolar har bir oilada bo’ladi, bu tabiiy, ularni yengishga ruhan tayyorlik va oila a’zolarining bir-birlariga muruvvatliliklari oilaning baxtli bo’lishini ta’minlaydi.
R.Kappenberg degan olimning ta’kidlashicha, ba’zan oilaviy munosabatlarda favqulotda paydo bo’ladigan hodisalar ta’sirida shok-ziddiyatlar paydo bo’ladi. Bu odatda kutilmaganda ro’y beradigan holatlarning oqibati bo’lib, oila a’zolari buni kutmaydilar. Masalan, er-xotinlarlardan birining xiyonati va uning oshkor bo’lib qolishi, o’g’ilning noqobil bo’lib giyohvand moddalar iste’mol qilishini kattalar bilib qolishlari, oila a’zolaridan birining boshqa jinoyat yo’liga kirib qolishi, falokatlar va shunga o’xshashlar oilaviy munosabatlarning to’satdan o’zgarishi, munosabatlarni qayta ko’rib chiqishni taqozo etadi. Bunda ham oiladagi kattalarning oqilligi, mahallaning hamjihatligi ijobiy rol o’ynashi mumkin.
Oila turmush qurgan paytdan boshlab, birinchi farzand tug‘ilgunga qadar yosh hisoblanadi. Bugungi tez o‘zgaruvchan dunyoda er-xotin bo‘lish unchalik oson emas. Yangi ijtimoiy voqeliklar, jumladan, ayollar rolining o‘zgarishi va kontratseptiv vositalarning keng qo‘llanilishi kech nikohlar sonining ko‘payishiga olib keldi. 1960 va 1978 yillar orasida birinchi turmush qurishning o‘rtacha yoshi erkaklar uchun 22,8 dan 24,2 gacha va ayollar uchun 20,3 dan 21,8 gacha ko‘tarildi ( Wolman , 1983). Bundan tashqari, er-xotinlar bolalar tug‘ilishini keyingi sanaga qoldirishni boshladilar. 1960 yilda birinchi bola o‘rtacha 14 oylik tug‘ilgan bo‘lsa, 1979 yilda bu 24 oygacha ko‘tarildi ( Click , 1979). Ko‘pchilik nikohni kechiktirishni afzal ko‘rsa-da, buning uchun maqbul yosh borga o‘xshaydi. Glick va Norton ( Click & Norton , 1977) ta'kidlashicha, 20 yoshgacha turmushga chiqqan ayollar 20-29 yoshda turmush qurganlarga qaraganda 2 baravar ko‘proq ajrashadi. Agar siz 30 yildan keyin turmush qursangiz, ajralish ehtimoli oldingi yosh guruhiga nisbatan 1,5 barobar ortadi. Shu munosabat bilan, Monika MakGoldrik (1980) shunday xulosaga keladi: "Avvalgidan kechroq turmush qurish yaxshiroq bo‘lsa-da, lekin u yoki bu yo‘nalishda juda ko‘p og‘ish o‘tish davrini engib o‘tish uchun bir xil darajada noqulaydir".
Oilaning birinchi asosiy vazifasi er-xotinning oila tizimida faoliyat yuritishidir (2-jadvalga qarang). Turmush o‘rtoqlar kengaytirilgan bilan yangi munosabatlar o‘rnatishlari kerak oilalar ; ularning o‘g‘il va qiz roli ikkinchi darajali bo‘lib, er va xotinning roliga o‘tib ketishi kerak. Er-xotinning yaqin va mustaqil munosabatlarga ega bo‘lish qobiliyati ko‘pincha turmush o‘rtoqlarning har biri ota-ona oilasida mustaqil shaxs bo‘lishga muvaffaq bo‘lish darajasi bilan belgilanadi. Ota-ona oilasida avtonomiya topa olmaganlar, aksincha, hissiy sovuqqonlik bilan ajralib turadi yoki ular o‘zlarining shaxsiy manfaatlarida ustunlik qiladigan juftlik munosabatlarini shakllantirishga moyildirlar ( Meyer , 1980). Er-xotinni birlashtirib, yaratishdan oldin har bir inson mustaqil “men”ga aylanishi kerak.

Oilaviy hayot tsiklining bosqichlari

Rivojlanish vazifalari

1. Yosh oila 2. Maktabgacha / maktab yoshidagi bolaning oilasi 3. Maktab o‘quvchilari oilasi 4. O‘smirning oilasi 5. Oila bola uchun "uchirish maydonchasi" sifatida 6. Ota-ona vazifasini asosan bajargan oila

a) ota-ona oilasidan farqlash b)do‘stlar va qarindoshlar bilan muloqot chegaralarini o‘rnatish c) shaxsiy va oilaviy ehtiyojlar o‘rtasidagi ziddiyatni hal qilish a) yangi vazifalarni bajarish uchun oilani qayta tashkil etish b) bolaning xavfsizligi va ota-ona hokimiyatini ta'minlagan holda uning o‘sishini rag‘batlantirish v) shaxsiy va oilaviy maqsadlarni muvofiqlashtirish a) majburiyatlarni qayta taqsimlash b) ta'lim bilan bog‘liq muammolar mavjudligida ishtirok etish v) bolaga uy vazifasini tayyorlashda yordam berish bo‘yicha vazifalarni taqsimlash a) ota-onalar va o‘smirlar o‘rtasida avtonomiya va nazoratni qayta taqsimlash b) ota-onalarning xatti-harakatlari va rollarining turini o‘zgartirish v) o‘smirni uydan tark etishga tayyorgarlik a) bolaning oiladan ajralishi b) uydan to‘g‘ri chiqib ketish v) kollej, harbiy yoki boshqa xizmatga borish a) nikoh munosabatlarini qayta ko‘rib chiqish b) mas'uliyat va vaqt taqsimotini qayta ko‘rib chiqish c) pensiyaga moslashish

O‘z oilasida mustaqillikka erisha olmagan turmush o‘rtoqlar katta oilaga qaram bo‘lib qolishadi. Turmush o‘rtoqlar ko‘pincha kelib chiqishi oilasidan psevdo -mustaqillik munosabatlarini shakllantiradilar ( Bowen , 1978). Bowen ( Bowen , 1978) ta'kidlashicha, turmush o‘rtog‘i kuchli hissiy tajribalardan qochish uchun ota-ona oilasidan uzoqlashishga intiladi, ammo yaqinlik uchun qondirilmagan ehtiyoj nikoh munosabatlarini kuchayishiga majbur qiladi. Nikoh munosabatlaridagi keskinlik ma'lum darajaga yetganda, turmush o‘rtog‘i yana hissiy jihatdan chekinishi mumkin. Shunday qilib, oilaning yaqinlikka bo‘lgan ehtiyoji va turmush o‘rtoqlardan birining ota-ona oilasi bilan yaqin munosabatlarining hal qilinmagan muammosi hissiy tanaffusga sabab bo‘lishi mumkin.