Chetga chiqish – berilgan o‘lcham (haqiqiy, chegaraviy va h.k.) bilan nominal o‘lcham o‘rtasidagi farqdir.
Haqiqiy chetga chiqish – haqiqiy va nominal o‘lchamlarning algebraik farqidir.
Chegaraviy chetga chiqish – chegaraviy va nominal o‘lchamlarning algebraik ayirmasidir.
Yuqorigi (verxnee) chetga chiqish – eng kattachegaraviy o‘lchambilan nominal o‘lcham orasidagi ayirmaga teng.
Pastki (nijnee) chetga chiqish – eng kichik chegaraviy o‘lcham bilan nominal o‘lcham orasidagi ayirmaga teng.
Nol chiziq – nominal o‘lchamga to‘g‘ri keladigan chiziq bo‘lib, qo‘yim va o‘tqazishlar chizma holatda ifodalanganda, o‘lchamlarning chetga chiqishlari shu chiziqqa nisbatan ko‘rsatiladi. Agar nol chiziq bo‘ylama joylashgan bo‘lsa, chetga chiqishlarning musbat (+) qiymatlari chiziq tepasida, manfiylari (–) esa pastda ko‘rsatiladi. Nol chiziq ko‘ndalang joylashganda, chetga chiqishlarning musbat va manfiy qiymatlarining joylashishi detalning tuzilish holatiga qarab belgilanadi.
Qo‘yim – eng katta va eng kichik chegaraviy o‘lchamlar ayirmasidir yoki yuqorigi va pastki chetga chiqishlar algebraik farqining absolyut qiymatiga tengdir.
Qo‘yim maydoni (pole dopuska) – chegaraviy o‘lchamlar bilan cheklangan qiymatlar oralig‘idan tashkil topgan. Bu oraliq qo‘yimning miqdori va uning nominal o‘lchamga nisbatan joylashishi bilan aniqlanadi. Qo‘yim maydonining qiymatini o‘lchamning yuqorigi va pastki chetga chiqishlar o‘rtasidagi farqi sifatida ham aniqlash mumkin. Qo‘yim maydoni doim musbat qiymatga egadir.
Asosiy bog‘liqlar:
Dmax = Dekt;
dmax = dekt;
Dmin = Dekch;
dmin = dekch;
Dekt = D+ES;
dekt = d+es;
Dekch = D + EI;
dekch = d + ei;
Td = dekt - dekch;
TD = ES – EI;
Td = es – ei.
Misollar
1.1. Nominal o‘lchamlar va chetga chiqishlar berilgan (mm).
