O’zbekiston respublikasi oliy va o’rta maxsus ta’lim vazirligi buxoro davlat universiteti

2022- yil 12-mart
Bugungi kunim mazmunga boy bo’ldi.
Dastlab o’qituvchi N.Nurillayeva bilan 11-1 fra 21 guruhida “Axborot va murabbiylik soati” ni olib bordik. Taqdim etilgan mavzular, yangiliklar atroflicha o’rganildi.
So’ngra, kursdoshimiz Majidova Lazizaning 11-19chi-20 guruhida olib borgan Ikkinchi xorijiy til fanining tahliliga kirdim.
Undan keyin f.f.f.d N.B.Kuldashevaning IV bosqich(11-1fra-18 guruh) talabalari bilan olib borgan CHTUIK fanini kuzatdim. Mavzu – “Le progrès scientifique et son importance”. Darsda audio material va shunga doir topshiriqlardan foydalanildi.
Dars yakunida uchala tomon ham mamnun bo’ldik.
2022- yil 14-mart
Bugungi kunni to’laligicha « O’qish va yozish amaliyoti » fanining O’UM ni yana bir bor o’rganish va amaliyot hujjatlarimni tartibga solishga bag’ishladim.
Navbatdagi olib boradigan darsim « O’qish va yozish amaliyoti » fani bo’lgani uchun fan o’qituvchisi Maqsuda Jo’rayevadan kerakli tavsiyalarni oldim. Rejalashtirilgan mavzuda video va tarqatma materiallardan foydalanishim maqsadga muvofiq bo’lishi xususida gaplashdik.
Amaliyot kundaligimga mana shunday qaydlarni qilib qo’ydim.
MD ishimni ham ko’zdan kechirib, kamchiliklarini bartaraf qildi
2022- yil 15- mart
Ped.amaliyotimizning ikkinchi oyi ham shiddat bilan o’tmoqda. Bu oyda ham amaliyot boshida rejalashtirgan ishlarimni muvaffaqiyatli davom ettiraman degan umiddaman.
Ertangi darsimdan oldin menga yuklatilgan « O’qish va yozish amaliyoti » fanining O’UM siga yana bir bor murojaat qildim. Fan o’qituvchisi M.Jo’rayeva bilan ham suhbatlashdim, darsning mazmunli va qiziqarli bo’lishi uchun kerakli tavsiyalarni oldim. Bir so’z bilan aytganda darsga tayyorlandim.
Shundan so’ng amaliyot kundaligimga lozim bo’lgan qaydlarni qilib qo’ydim. Mutaxassislik fanlari bo’yicha dars tahlillariga kirib, kuzatdim.
2022- yil 16- mart
Bugun ham kafedraga keldim. fanning ishchi dasturi, « Lettre formelle » mavzusi yuzasidan topgan videoim, u asosida tayyorlagan materiallarimni ko’zdan kechirdim.
Bugungi mashg’ulotim dars jadvali asosida 10.00 da boshlanishi kerak edi. Ungacha hali ancha vaqt borligi sababli, kursdoshlarimiz bilan kafedra o’qituvchilaridan MOODLE tizimi to’g’risida so’rab bildik, unga dars materiallari qanday joylashtirilishini o’rgandik.
2-smena 1-juftlikda 11-1 fra 20 guruhida ONA amaliy mashg’ulot darsini kuzatishga kirdim. Bu dars o’qituvchi M.H.Toirova tomonidan olib borildi .
2-juftlikda esa kursdoshimiz Xolova Shahnoza ONA darsini o’tdi. Talabalarning o’zlarini ishlashga undovchi topshiriqlar yaxshigina qo’l keldi va bu ularning diqqatlarini dars davomida tutib turishiga yordam berdi.
Tahlilga kirgan o’qituvchi va amaliyotchi talabalarning aytishlaricha dars qiziqarli bo’lib, talabalar mavzuni yaxshigina o’zlashtirib olishibdi
Darsdan so’ng kafedraga bordim, amaliyot kundaligimni to’ldirdim va shu bilan bugungi faoliyatimga yakun yasadim.