O‘zbekiston respublikasi oliy va o‘rta maxsus ta’lim vazirligi m. T. Asqarova, G‘. E. Zaxidov, L. F. Amirov makroiqtisodiy siyosat

8.2. O‘zbekistonda qabul qilingan davlat dasturlarining vazifalari va 
obyektlari, ularning iqtisodiyotdagi o‘rni 

---

146 
Bugungi kunda iqtisodiyotimizni modernizatsiya qilish, texnik va texnologik 
yangilash, uning raqobatdoshligini keskin oshirish, eksport salohiyatini yuksaltirishga 
qaratilgan muhim ustuvor loyihalarni amalga oshirish bo‘yicha davlat dasturlari 
ishlab chiqilgan. 
Davlat dasturlarida iqtisodiyotimizning asosiy tarmoqlarini modernizatsiya 
qilish va texnik yangilash, mamlakatimizning yangi marralarni egallashi uchun kuchli 
turtki beradigan va jahon bozorida raqobatdoshligini ta’minlaydigan zamonaviy 
innovatsiya texnologiyalarini joriy qilish bo‘yicha maqsadli loyihalar o‘z ifodasini 
topadi.
Raqobat bozor iqtisodiyotini harakatlantiruvchi kuchi hisoblanadi, iqtisodiy 
resurslarni tejamli ishlatishga, tovar va xizmatlarni ko‘plab, sifatli va arzon narxlarda 
ishlab chiqarishga, bozorda faoliyat ko‘rsatuvchilarni yangilikka intilishga undaydi 
va u barqaror iqtisodiy o‘sishni ta’minlaydi.
Iqtisodiyotni modernizatsiyalashning maqsadi – mamlakat iqtisodiyotining 
yangilash, fan sig‘imkorligi yuqori bo‘lgan ustuvor sohalarni rivojlantirish asosida 
mamlakat iqtisodiyotini innovatsion rivojlantirish yo‘liga o‘tkazish, mamlakat milliy 
iqtisodiyotining raqobatdoshligini oshirish va aholining o‘sib, o‘zgarib borayotgan 
ehtiyojlarini to‘laroq qondirish hisoblanadi.
Milliy iqtisodiyotni modernizatsiyalashning jahon tajribasi tahlili ko‘rsatishicha, 
mamlakatni modernizatsiyalash uchun dastlab mamlakat iqtisodiyotini, shu jumladan, 
sanoatning hozirgi holatini chuqur va konkret baholash lozim.
2011-2015-yillarga mo‘ljallangan mamlakatni rivojlanish dasturi quyidagi 
tarkibiy qismlardan tashkil topgan:
1.
2011-2015-yillarga mo‘ljallangan islohotlarni yanada chuqurlashtirish va 
ko‘lamini kengaytirish choralari dasturi. 
2.
2011-2015-yillarga 
mo‘ljallangan 
infratuzilmani, 
transport 
va 
kommunikatsion qurilishni rivojlantirishni jadal rivojlantirish dasturi. 
3.
2011-2015-yillarga mo‘ljallangan moliya-bank tizimini yanada isloh etish va 
barqarorligini oshirishning ustuvor yo‘nalishlari dasturi. 

---

147 
4.
2011-2015-yillarga mo‘ljallangan O‘zbekiston Respublikasi sanoatini ustuvor 
yo‘nalishlari dasturi.
Shuningdek, 2015-2019-yillarga mo‘ljallangan qator dasturlar qabul qilindi. 
Bular jumlasiga О‘zbekistonda 2015-2019-yillarda muhandislik-kommunikatsiya va 
yо‘l-transport infratuzilmasini rivojlantirish va modernizatsiya qilish dasturi, 
mamlakatimizda 2015-2019-yillarda ishlab chiqarishni tarkibiy о‘zgartirish, 
modernizatsiya va diversifikatsiya qilishni ta’minlash bо‘yicha chora-tadbirlar 
dasturi, 2015-2019-yillarga mo‘ljallangan strategik investitsiya dasturlari kiradi.
Yuqorida qayd etilgan davlat dasturlarida mo‘ljallangan strategik vazifalarni 
amalga oshirish o‘rta muddatda quyidagi natijalarga erishish imkonini beradi:

makroiqtisodiy rivojlanishni boshqariladigan modeli asosida barqaror, 
yuqori iqtisodiy o‘sish sur’atlarini saqlab qolish; 

to‘xtovsiz iqtisodiyotni modernizatsiyalash, ishlab chiqarishni texnik va 
texnologik jihatdan yangilashni amalga oshirish;

ishlab chiqarish, transport va kommunikatsiya infratuzilmasini barqaror 
iqtisodiy o‘sish va aholini ehtiyojlarini qondirish talablariga muvofiq rivojlantirish;

bank-moliya tizimini barqarorligini oshirish va investitsiya miqyosini 
kengaytirishdagi rolini oshirish; 

nodavlat sektorini birinchi navbatda kichik biznes va xususiy tadbirkorlikni 
iqtisodiyotdagi roli va ulushini yanada oshirish;

yuqori agrotexnologiya asosida zamonaviy samarali qishloq xo‘jaligi ishlab 
chiqarishni yaratish va qishloq aholisini daromadlarini oshirish; 

aholini, shu jumladan, yosh avlodni barqamol rivojlanishini ta’minlaydigan 
zamonaviy ijtimoiy sektorini shakllantirish.