O‘zbekiston respublikasi oliy va o‘rta maxsus ta’lim vazirligi m. T. Asqarova, G‘. E. Zaxidov, L. F. Amirov makroiqtisodiy siyosat

 
8.3
 
. Mamlakatimizning 2015-2019- yillarga mo‘ljallangan 
iqtisodiyotni modernizatsiyalash dasturlari 
O‘zbekistonni 2015-2019-yillarga mo‘ljallangan strategik investitsiya loyihalari 
va har yili qabul qilinaligan Davlat investitsiya dasturlari “2015-2019-yillarda tayyor 
mahsulotlar, butlovchi qismlar va materiallarni ishlab chiqarishni mahalliylashtir ish 

---

148 
bo‘yicha dasturi” (11.02.2015 y. № PF-2298), “2015-2019-yillarda muxandislik-
kommunikatsiya va yo‘l-transport infratuzilmasini rivojlantirish va modernizatsiya 
qilish dasturi” (06.03.2015y. № PF-2313), “2015-2019-yillarda ishlab chiqarishni 
tarkibiy o‘zgartirish, modernizatsiya va diversifikatsiya qilishni ta’minlash bo‘yicha 
chora-tadbirlar dasturi” (04.03.2015 y. Q-4707),“2015-2019-yillarda iqtisodiyot 
tarmoqlari va ijtimoiy sohada energiya sig‘imini qisqartirish, energiya tejaydigan 
texnologiyalarni joriy etish chora-tadbirlari Dasturi” lari (05.05.2015y. № PF-2343) 
doirasida amalga oshirilmoqda. Ular ustuvor investitsion loyihalar ro‘yxatini qamrab 
olib, iqtisodiyotni asosiy tarmoqlarni rivojlantirishga yo‘naltirilgan.
2015-yilda rivojlantirish dasturlarini amalga oshirish natijasida umumiy qiymati 
7 milliard 400 million dollar bo‘lgan 158 ta yirik ishlab chiqarish obyekti qurilishi 
yakunlandi va foydalanishga topshirildi. 
2015-2019-yillarda tayyor mahsulotlar, butlovchi buyumlar va materiallar 
ishlab 
chiqarishni 
mahalliylashtirish 
dasturi
2015-yilning 
11-fevralida 
O‘zbekiston Respublikasi Prezidentining PQ-2298 sonli Qarori bilan qabul qilingan. 
Mazkur qarorning 5-bandiga asosan quyidagi imtiyozlar belgilangan: 
chetdan olib kelinadigan, respublikada ishlab chiqarilmaydigan texnologik 
asbob-uskunalar va ularning ehtiyot qismlari, shuningdek mahalliylashtiriladigan 
mahsulotlar ishlab chiqarish texnologik jarayonida foydalaniladigan komponentlar 
uchun bojxona to‘lovlari (bojxona rasmiylashtiruvi yig‘imlaridan tashqari); 
mahalliylashtirish loyihalari bo‘yicha ishlab chiqarilgan mahsulotlar bo‘yicha 
foyda solig‘i, yagona soliq to‘lovi (soliq solishning soddalashtirilgan tizimini 
qo‘llaydigan subyektlar uchun); 
mahalliylashtiriladigan mahsulotlar ishlab chiqarish uchun foydalaniladigan 
asosiy ishlab chiqarish fondlari bo‘yicha mulk solig‘i to‘lashdan ozod qilingan. 
O‘zbekiston Respublikasi Prezidentining PQ-2298 sonli Qarorining 4 bandiga 
asosan import o‘rnini bosuvchi va eksportga yo‘naltirilgan raqobatbardosh 
mahsulotlar ishlab chiqarishni ko‘zda tutuvchi hamda mahalliylashtirish darajasi 36 
foizdan kam bo‘lmagan loyixalar mahalliylashtirish dasturiga kiritilishi belgilangan.