O‘zbekiston respublikasi oliy va o‘rta maxsus ta’lim vazirligi m. T. Asqarova, G‘. E. Zaxidov, L. F. Amirov makroiqtisodiy siyosat

 
2016-2020-yillarda 
xizmatlar 
sohasini 
rivojlantirish dasturi 
xizmatlar sohasi faoliyatini balansli rivojlantirish va 
diversifikatsiyalashni ta’minlash, ular kо‘rsatadigan xizmatlarning raqobatbardoshligi 
va sifatini oshirish maqsadida qabul qilingan. 
Dasturga kо‘ra, xizmatlar sohasini rivojlantirish hisobiga yalpi ichki mahsulotni 
kо‘paytirish, uning respublika iqtisodiyotidagi ulushini 2016-yilda 48,7 foizga 
oshirish (2015-yilda 47,5 foiz) kо‘zda tutilgan. Unga kо‘ra, xizmatlar sohasi har yili 
11-13 foizlik о‘sishni qayd etishi kо‘zda tutilgan. 

---

153 
Dasturda 2020-yilga borib qishloq joylarda xizmatlarni 1,8 foizga о‘stirish 
belgilangan. Shuningdek, hukumat 2020-yilga borib aloqa va axborotlashtirishning 
respublika iqtisodiyotidagi ulushini 2,5 foizga yetkazishni rejalashtirgan.
Shuningdek, 
dastur 
muhandislik-kommunikatsiya, 
yо‘l-transport 
infratuzilmasini rivojlantirish, tarmoqlarda zamonaviy axborot-kommunikatsiya 
texnologiyalarini joriy etish hisobiga xizmatlar sohasini, tarkibiy о‘zgartirishlarni 
jadal rivojlantirish uchun shart-sharoitlar yaratish, raqobat muhitini shakllantirish, 
kichik va xususiy tadbirkorlik subyektlarini rivojlantirishga kо‘maklashish 
maqsadlariga yо‘naltirilgan. 
2020-yilga kelib mobil foydalanuvchilari sonini ichki yangi baza stansiyalarini 
joriy etish evaziga 27 mln nafarga yetkazishni mо‘ljallamoqda.
Shu о‘rinda, mobil aloqa 2015-yilga qaraganda uch baravar ortadi, har yilgi 
kо‘tarilish kо‘rsatkichi 27 foizni tashkil etadi. 
UzMobile 3,7 ming yangi baza stansiyasi, Ucell — 969 stansiya, Beeline esa 1,2 
ming stansiya qurishni rejalashtirgan. 
Bundan tashqari, jamoat joylarida, xususan, mehmonxonalar, aeroport va 
otellarda Wi-Fi tarqatish uchun routerlar о‘rnatiladi. 
"О‘zbekiston havo yо‘llari" milliy aviakompaniyasi 2016-2020-yillarda 
yо‘lovchi tashish hajmini 1,3 baravar oshiradi va yiliga 3,3 million nafarga yetkazadi. 
О‘sish yangi rentabelli yо‘nalishlarni yо‘lga qо‘yish, charter reyslarni 
kengaytirish hamda “О‘zbekiston havo yо‘llari”ning hamkorlari yо‘nalishlaridan 
foydalanish hisobiga amalga oshiriladi. 
Aviakompaniya Janubiy-Sharqiy Osiyo, MDH va Yevropa mamlakatlariga о‘z 
aviaparkida amalga oshirilgan yangilanishlar evaziga yangi reyslar qо‘yishni 
rejalashtirgan. 
“О‘zbekiston havo yо‘llari” MAK 2017-yilda bitta Mi-8 vertolyotini qabul qilib 
olishni rejalashtirgan. 
Samarqanddagi “Samauto” MCHJda ishlab chiqarilgan 200 ta “Isuzu” avtobusi 
tabiiy gazga о‘tkaziladi. Prognozga kо‘ra, 2017-yilda 250 ta, 2018-yilda 300 ta, 
2019-yilda 350 ta avtomobil gaz yonilg‘isiga о‘tkaziladi. 2020-yilgacha avtomobil 

---

154 
zavodining konveyeridan yiliga tabiiy gazda ishlovchi 1100 ta yо‘lovchi avtobusi 
chiqadi. 
Dasturga kо‘ra, О‘zbekistondagi banklar xizmat sohasidagi korxonalarni 2016- 
yilda 1,797 trln sо‘m miqdorida moliyalashtiradi. 2020-yilga borib esa bu kо‘rsatkich 
2,631 trln sо‘mga yetadi. 
О‘zbekiston tijorat banklari 2016-yilda xizmat kо‘rsatish sohalari – aloqa va 
axborotlashtirish, moliyaviy va transport, turar-joy va ovqatlanish, savdo, ta’lim, 
sog‘liqni saqlash va boshqa xizmat kо‘rsatish sohalarini rivojlantirish maqsadida 1,8 
trillion sо‘m atrofida kredit mablag‘lari ajratiladi. Dasturga binoan yildan yilga 
ajratiladigan kreditlar 10 foizga oshib boradi va 2020- yilga kelib 2,6 trillion sо‘mni 
tashkil etadi. 
2016-2020-yillarda dastur doirasida О‘zbekistonning turli hududlarida jami 30 
ta kemping, 50 ta mehmonxona va 20 ta pansionat barpo etilishi rejalashtirilmoqda. 
Unga kо‘ra, 2016-yilda davlat strukturasida 15 ta, 2017-yilda 35 ta, 2018-yilda 
35 ta va 2019-yilda yana 15 ta obyekt barpo etiladi. 
Qishloq mintaqalarida agroturizmni rivojlantirish maqsadida yuzlab kempinglar 
qurilishi 
kо‘zda 
tutilgan. Dasturga kо‘ra, О‘zbekistonda meva-sabzavot 
mahsulotlarini saqlash uchun 2016-yilda 62 ming tonnalik, 2017-yilda 64 ming 
tonnalik, 2018-yilda esa 65 ming tonnalik, 2019-yilda 66 ming tonnalik, 2020-yilda 
68 ming tonnalik muzlatgich kameralari qurish rejalashtirilgan. 
Qishloq hududlarida maishiy xizmat kо‘rsatish bilan shug‘ullanadigan yakka 
tartibdagi tadbirkorlar 3 yilga belgilangan soliq tо‘lovlaridan ozod etiladi.
Chekka va qishloq hududlarida kir yuvish xizmatlarini taklif etadigan 
mikrofirmalar, kichik korxonalar va yakka tartibdagi tadbirkorlar besh yilga yagona 
soliq tо‘lovi va belgilangan soliqdan ozod etiladi.
Quyidagi yо‘nalishlarda xizmat kо‘rsatadigan yuridik shaxslar 3 yil muddatga 
daromad solig‘i va yagona soliq tо‘lovidan ozod qilinadi: 
1. Moliya, bank xizmatlari:
a) lizing xizmatlari; 
b) sug‘urta bozorining professional ishtrokchilari xizmatlari ; 

---

155 
v) auditorlik xizmatlari; 
g) buxgalteriya hisobini yuritish xizmatlari ; 
d) mikrokreditlar taqdim etish xizmatlari; 
y) soliq maslahatchilari tashkilotlari kо‘rsatadigan xizmatlar. 
2. Maishiy xizmatlar:
a) poyabzal va teri mahsulotlarini tuzatish xizmatlari; 
b) soatlarni tuzatish xizmatlari; 
v) maishiy elektron va elektrik moslamalar (televizor, kompyuter, printer 
texnikasi, sovutkich, konditsioner va boshqalar)ni tuzatish va texnik xizmat 
kо‘rsatish;